ކ. މާލެ
|
2 އޭޕްރިލް 2025 | ބުދަ 06:58
މެޗުގައި ލަނޑު ޖެހުމަށްފަހު ފަރުކަންގެ ކުޅުންތެރިން އުފާ ފާޅު ކުރަނީ
މެޗުގައި ލަނޑު ޖެހުމަށްފަހު ފަރުކަންގެ ކުޅުންތެރިން އުފާ ފާޅު ކުރަނީ
ރާއްޖެއެމްވީ
އެފްޑީއެސް
އެފްޑީއެސް ފުޓުބޯޅަ މުބާރާތް: ސާއިފްގެ ހެޓްރިކާ އެކު ފަރުކަން މޮޅުވެއްޖެ
އަންގާރަ ދުވަހުގެ ހަވީރު ފީއަލީ ފުޓުބޯޅަ ދަނޑުގައި ކުޅުނު މެޗު ފަރުކަން އިން ކާމިޔާބު ކުރީ 4-3 އިންނެވެ.

ފީއަލީ ޑިވެލޮޕްމަންޓް ސޮސައިޓީ (އެފްޑީއެސް) އިން އިންތިޒާމު ކޮށްގެން ކުރިއަށް ގެންދާ، އެފްޑީއެސް ފުޓުބޯޅަ މުބާރާތުގައި ނައިޓް ކިންސްގްސްއާ ދެކޮޅަށް ކުޅުނު މެޗުން ފަރުކަން މޮޅުވެއްޖެ އެވެ.

އަންގާރަ ދުވަހުގެ ހަވީރު ފީއަލީ ފުޓުބޯޅަ ދަނޑުގައި ކުޅުނު މެޗު ފަރުކަން އިން ކާމިޔާބު ކުރީ 4-3 އިންނެވެ.

މެޗުގައި ފަރުކަންގެ ސާއިފް އަބްދުލް ޙަމީީދު ވަނީ ތިން ލަނޑު ޖަހައި ހެޓްރިކް ހަމަކޮށްފަ އެވެ. އަދި އެ ޓީމުގެ އަނެއް ލަނޑު ޖެހީ، ސާއިދު އަބްދުލް ޙަމީދު އެވެ.

ނައިޓް ކިންގްސްގެ ރަޒާން އަލީ ދެ ލަނޑު ޖެހިއިރު، އެ ޓީމުގެ އަނެއް ލަނޑު ޖެހީ ޝަހީދު އަޙުމަދު އެވެ. މެޗުގެ މޮޅު ކުޅުންތެރިޔަަކަށް ހޮވުނީ ފަރުކަން ޓީމަށް ތިން ލަނޑު ޖަހައިދިން ސާއިފް އެވެ.

އެފްޑީއެސް އިން އިންތިޒާމު ކޮށްގެން ކުރިއަށް ގެންދާ ފުޓުބޯޅަ މުބާރާތުގައި ފަސް ޓީމަކުން ބައިވެރިވެފައިވެ އެވެ. އެއީ އަލް ޙަދީދް، ކެމަލް، ފަރުކަން، ނައިޓް ކިންގްސް، ޑއަދި ޑީ ޓެން އެކްސްޕްރެސް އެވެ.

މުބާރާތް ކުރިއަށް ގެންދަނީ ލީގު އުސޫލުންނެވެ. ކޮންމެ ޓީމެއް ކޮންމެ ޓީމަކާ ބައްދަލު ކުރުމަށްފަހު، ލީގު ތާވަލްގެ އެއް ވަނަ ޓީމު އަދި ދެ ވަނަ ޓީމު ފައިނަލަށް ދާ ގޮތަށެވެ.

އެފްޑީއެސް އިން އިންތިޒާމު ކޮށްގެން ބާއްވާ މި މުބާރަތަކީ މުޅި ފީއައްޔަށް ހުޅުވާލައިގެން ކުރިއަށް ގެންދާ މުބާރާތެވެ. ފުޓުބޯޅައިގެ އިތުރުން، އަންހެން ވޮލީ މުބާރާތެއް ވެސް ކުރިއަށް ގެންދެ އެވެ.

- ކޮމެންޓް