މިހާރު ފުލުހުންގެ މުއައްސަސާ ހިނގާގޮތުން މުޒާހަރާ ކުރި މީހުންނަށް ޗިޓް ފޮނުވާފަ އިތުރު މަސައްކަތެއް ކުރާނެ ވަގުތެއް ފުލުހުންނަށް ނުވާނެ ކަމަށާއި މުޅި ދައުލަތުގެ ފޯކަސް އަކީ މުޒާހަރާ ކުރި މީހުންނަށް ފިޔަވަޅު އެޅުން ކަމަށް ރައްޔިތުންގެ މަޖިލީހުގެ ކުރީގެ މެމްބަރު ހަސަން ލަތީފް ވިދާޅުވެއްޖެ އެވެ.

އޭނާ އެފަދައިން ވިދާޅުވީ ރާއްޖެޓީވީގެ ފަލަސުރުޚީ ޕްރޮގްރާމްގައި ވާހަކަދައްކަވަމުންނެވެ.

އިދިކޮޅު އެމްޑީޕީން ސިލްސިލާކޮށް މާލޭގެ މަގުމަތުކައި ކުރަމުން ގެންދިއަ އިހުތިޖާޖުތަކާއި ގުޅިގެން ހަމަ ކޮންމެ ރެއަކުހެން މީހަކަށް ޗިޓު ފޮނުވައި ފުލުހަށް ފުލުފުލުގައި މީހުން ހާޒިރުކުރުމުން އެކަމަށް އެތައް ބައެއްގެ ފާޑުކިޔުން ވަނީ އަމާޒުވެފައެވެ. 14 ރޭ ވަންދެން އެމްޑީޕީން ސިލްސިލާކޮށް ކުރި މުޒާހަރާތައް އެމްޑީޕީން މެދުކަނޑާލާފައި ވަނީ ރޯދަ މަހުގެ ފަހު 10 އަކަށެވެ. ހަސަން ލަތީފު ވިދާޅުވީ އެމްޑީޕީން ކުރަމުން ގެންދިއަ ސިލްސިލާ މުޒާހަރާތައް ހުއްޓުވުމަށް އެމްޑީޕީން ކެނޑިނޭޅި މަސައްކަތްކޮށްފައިވާ ކަމަށް ހަސަންލަތީފް ވިދާޅުވި އެވެ.

ފުލުހުންގެ އިދާރާ އަށް ތަފާތު އެތައް މައްސަލަ އެއް ހުށަހެޅިފައިވާ އިރު އެކަންކަން ތަހުގީގުކުރުން އިންތިހާ އަށް ލަސްވެފައިވާ ކަމަށް އޭނާ ވިދާޅުވިއެވެ. އެހެންނަމަވެސް އެމްޑީޕީން މުޒާހަރާ ކުރާތީ އެކަން ހުއްޓުވުމަށް މުޅި ސަރުކާރާއި ފުލުހުންގެ ފޯކަސް ބެހެއްޓުމަކީ ކަންބޮޑުވާ ކަމެއް ކަމަށް އޭނާ ވިދާޅުވިއެވެ.

މީގެ އިތުރުން ހަސަން ލަތީފު ވިދާޅުވީ ރައީސް މުއިއްޒަށް ލިބިފައި އޮތް ބާރުތަކުގެ ބޭނުން ކޮށްގެން ނަމަވެސް މުޒާހަރާކުރުން ހުއްޓުވުމަށް ކުރެވުނު އެއްވެސް ކަމެއް ނެތް ކަމަށާއި އެކަން އެމަނިކުފާނަށް ހާސިލް ނުކުރެވުނު ކަމަށެވެ.

މި މަހުގެ 7 ވަނަ ދުވަހުން ފެށިގެން އެމް.ޑީ.ޕީގެ ފަރާތުން މާލޭގައި ކުރިއަށް ގެންދިއަ ސިލްސިލާ މުޒާހަރާތައް ވެގެން ދިޔައީ ސަރުކާރު ކައްކުވާލި މުޒަހަރާތަކަށެވެ. އެ ހިސާބުން ފުލުހުން މެދުވެރިކޮށް ހާލަތާއި ނުބައްދަލު މިންވަރަށް ބާރުގެ ބޭނުންކޮށް، ޕެޕަރ ސްޕްރޭ ޖެހުން ފަދަ އެތައް ކަމެއް މި މުޒާހަރާތަކުން ފެނުނެވެ

އެ މުޒާހަރާތަކުގައި އަޑު އުފުލާފައި ވަނީ އާއްމުންގެ ހުރި ކަންބޮޑުވުންތަކާއި އެކުގައި ކަމަށް ހަސަން ލަތީފް ވިދާޅުވިއެވެ. މިނިވަން މުއައްސަސާތަކަށް އެކަނި ބަލާލިއަސް އާއްމުން ކަންބޮޑުވާ ފަދަ އެތައް ކަމެއް ފެންނާނެ ކަމަށް ހަސަން ލަތީފް ވިދާޅުވިއެވެ. އެހެންކަމުން މިނިވަން މުއައްސަސާތަކުގެ ހިންގުން މިނިވަންކުރުމަށް ސަރުކާރުގެ ފޯކަސް ބެހެއްޓުން މާ ރަނގަޅުވީސް ކަމަށް އޭނާ ވަނީ ވިދާޅުވެފައެވެ.

އެމްޑީޕީގެ މުޒާހަރާތަކުގައި އިސްކޮށް ހަރަކާތްތެރިވި އެތައް ބަޔަކަށް ވަނީ ފުލުހަށް ހާޒިރު ވުމަށް ޗިޓު ފޮނުވައި ފުލުހަށް ހާޒިރުކޮށް ފައެވެ. އެގޮތުން އެމްޑީޕީގެ މުޒާހަރާތަކުގައި ހަރަކާތްތެރިވި 13 މީހަކު ފުލުހަށް ހާޒިރުކޮށް ބަޔާން ނަގާފައިވެއެވެ.