ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ވެޓަރަންސް ލީގުގައި ހުއްރިއްޔާއާ ދެކޮޅަށް ކުޅުނު މެޗުން މޮޅުވެ، އެންމެ ފަހުގެ ޗެމްޕިއަން ހުޅުމާލެ ވެޓަރަންސް އިން މުބާރާތުގެ ސެމީ ފައިނަލްގެ ޖާގަ ހޯދައިފި އެވެ.

ހުކުރު ދުވަހުގެ ހަވީރު މާފަންނު ޓާފު ދަނޑުގައި ކުޅުނު މެޗު ހުޅުމާލެ ވެޓަރަންސް އިން ކާމިޔާބު ކުރީ 2-1 އިންނެވެ/ މެޗުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ޖެހިފައި ނުވާއިރު، ދެ ޓީމުން ވެސް ލަނޑުތައް ޖެހީ ދެ ވަނަ ހާފުގަ އެވެ.

މެޗުގެ 43 ވަނަ މިނެޓުގައި ހުޅުމާލެ ވެޓަރަންސް އަށް ލީޑު ނަގައިދިނީ މުޙައްމަދު ޒިޔާދު އެވެ. އޭގެ ދިހަ މިނެޓު ފަހުން، ޙުސެއިން ސިމާޒް ވަނީ ލަނޑު ޖަަހައި އެ ޓީމުގެ ލީޑު ފުޅާ ކޮށްފަ އެވެ. މެޗުގައި ހުއްރިއްޔާގެ ހަަމައެކަނި ލަނޑު، 59 ވަނަ މިނެޓުގައި ޖެހީ އަލީ ނަޒްމީން އެވެ.

މި މެޗުން މޮޅުވެ، ގުރޫޕު އޭގެ އެއް ވަނަައިގައި ސެމީ ފައިނަލަށް ދިޔުމުގެ ފުރުސަތު ހުއްރިއްޔާ އަށް އޮތެވެ. ނަމަވެސް އެ ޓީމު ބަލިވެ މުބާރާތުން ކެޓިއިރު، މި ގުރޫޕުގެ އެއް ވަނައިގައި ސެމީ ފައިނަލަށް ދިޔައީ ވިލިމާލެ ޔުނައިޓެޑު އެވެ. އަދި ދެ ވަނަައިގައި ސެމީ ފައިނަލަށް ދިޔައީ ހުޅުމާލެ ވެޓަރަންސް އެވެ.

މިއަހަރުގެ ވެޓަރަންސް ލީގު ކުރިއަށް ދާނީ މި މަހުގެ 27 ވަނަ ދުވަހުގެ ނިޔަލަށެވެ. މިއަހަރުގެ މުބާރާތުގައި ޖުމުލަ 10 ޓީމަކުން ބައިވެރިވެ އެވެ.

މުބާރާތް ކުރިއަށް ގެންދަނީ ދެ ގުރޫޕަކަށް ބަހާލައިގެންނެވެ. އެގޮތުން ގުރޫޕު އޭގައި އޮތީ ދިވެހި ސިފައިންގެ ކުލަބު، ވިލިމާލެ ޔުނައިޓެޑު، ހުޅުމާލޭ ވެޓަރަންސް ކުލަބު، ޒެލޮޓް އަދި ހުއްރިއްޔާ އެވެ. ގުރޫޕު ބީ ގައި ހިމެނެނީ ޕޮލިސް ކުލަބު، ސްޓެލްކޯ، ކުލަބު އީގަލްސް، މުއިވެޔޮ އަދި ދަ ގްރާންޑޭ އެވެ.