މުއިއްޒުގެ ރާއްޖޭގައި, ޑެފިސިޓް އެއްޗަކީ ޑިމޮކްރަސީ

ކޮމަންވެލްތު ދުވަހުގެ މުނާސަބަތުގައި ރައީސުލްޖުމްހޫރިއްޔާ މުހައްމަދު މުޢިއްޒު އިއުލާންކުރެއްވި ޑިމޮކްރަސީއާއި އިންސާނީ ހައްގުތަކަށް ދެމި އޮންނާނެ ކަމުގެ ޔަގީންކަމުގެ ވާހަކައަކީ އެއްގޮތަކުން އެދުވަހު ދެއްކެވި ޖޯކު ވާހަކައެއް ކަމަށް ހީވިޔަސް އެއީ ސީރިއަސް ވާހަކައެކެވެ.

ރައްޔިތުންގެ މަޖިލީހުގެ 93 މެމްބަރުންގެ ސުޕަރމެޖޯރިޓީ އޮންނަ ރައްޔިތުންގެ މަޖިލީހަކީ ވެރިކަން ކުރާ ޕްރޮގްރެސިވް ނޭޝަނަލް ކޮންގްރެސް (ޕީއެންސީ) އިން އަވަސް އަރުވާލައިގެން ފަނޑީޔާރުންގެ ގާނޫނަށް ބަދަލު ގެނެސް ސުޕްރީމް ކޯޓުގެ ބެންޗުގެ އަދަދު ހަތަކުން ފަހަކަށް ދަށްކުރުމަށް ނިންމި އެވެ. އަދި "މިނިވަން" ކަމަށް ދައުވާ ކުރާ ޖުޑީޝަލް ސާވިސް ކޮމިޝަން (ޖޭއެސްސީ) އިން، ސުޕްރީމް ކޯޓު ޕެރަލައިޒް ކޮށްލުމަކީ ވެސް އާދައިގެ ކުޑަކަމެއްވެސް ނޫނެވެ.

ސުޕްރީމް ކޯޓުގެ ބެންޗާއި ކުޅެން މި ސަރުކަރުން ގާނޫނަށް ގެނައި އިސްލާހުގެ ބިލު އަނބުރާ މަޖިލީހަށް ފޮނުވާލުމުން ޑިމޮކްރަސީއަށް އުއްމީދެއް އެބައޮތެވެ. ނަމަވެސް އެފަދަ ކަމެއް މަޖިލީހަށް ހުށަހެޅި އިރު، ބަންޑާރަ ނައިބު އަހްމަދު އުޝާމް ގެ ލަފަޔާއި އިރުޝާނު ނުހޯދާތޯ މިއީ ވެސް ސުވާލު އުފެދޭ ކަމެކެވެ.

މިއާއެކު ރައީސް މުއިއްޒުއަށް ބޭނުންފުޅުވާ ލަފައާއި އިރުޝާދު ނުލިބި ދިއުމާއި، ވަކިން ހާއްސަކޮށް ސިޠާސީ އިގްތިާސީ އަދި ގާނޫނީގޮތުން ލަފާ ނުލިބުން މިއީ ކޮން މިސްރާބެއް ނެތި އެމަނިކުފާނުގެ އޮޑި ދަތުުކުރުމެވެ.

ގާނޫނު ހަދާ މަޖިލީހަށް ފަނޑިޔާރުން މަދުކުރާ ބިލް ޕައިލެޓް ކުރަން ވެރިކަން ކުރާ ޕާޓީގެ މެމްބަރަކު ހުށަހެޅުއްވި އެއްވެސް ހުށަހެޅުމެއް ފާސްކުރުމުގެ ކުރިން އެމެރިކާ އާއި އެހެން ގައުމުތަކުގައި ވެސް ކެބިނެޓްގައި ހިމެނިވަޑައިގަންނަވާ ބަންޑާރަ ނައިބުގެ ލަފާ ރައީސް ނުހޯއްދެވީ ކީއްވެތޯ މިއީ އުފެދޭ ބޮޑު ސުވާލެވެ.

އޭގެ ފަހުން ސޯޝަލް މީޑިއާގެ ބައެއް އެކްޓިވިސްޓުން ބުނަމުން ދަނީ ސިޔާސީ، އިގްތިސާދީ އަދި މިހާރު ދުސްތޫރީ ގިނަ ކަންކަމުގައި ރައީސަށް އެކަށީގެންވާ ކަހަލަ މައުލޫމާތާއި ލަފާ ނުލިބޭ ކަމަށެވެ. ދިފާއީ އަދި ސަލާމަތީ ކަންކަމާ ބެހޭ ގޮތުން ވެސް އެބޭފުޅުންނަށް އެހާ ޔަގީންކަމެއް ނެތް ކަމަށެވެ.

މީގެ އިތުރުން ޕީއެންސީގެ ގިނަ މެމްބަރުން ވަނީ އެ ބޭފުޅުންގެ ގްރޫޕް ބައްދަލުވުމުގައި އެންމެ ފުރަތަމަ ފަނޑީޔާރުން މަދު ކުރުމުގެ ބިލުގެ ރޫހާއި ކޮންޓެންޓާއި ވަގުތާ ދެކޮޅު ހައްދަވާފައެވެ. އޭގެ ފަހުން ސަރުކާރު ހިންގާ ޕާޓީގެ 10 މެމްބަރަކު ވަނީ އެ ބިލުގެ ފުރަތަމަ ކިޔުން މަޖިލީހުގައި ބޮއިކޮޓް ކޮށްފަ އެވެ. އެންމެ ފަހު ވޯޓުގައި ވެސް އެކަށީގެންވާ ބަހުސަކާ ނުލައި ފާސްވި އިރު، ޕީއެންސީގެ މެންބަރު އަޒާން ފާޅުގައި އެ ބިލާއި ދެކޮޅު ހެއްދެވި އެވެ.

މިއާއެކު އަޒާންގެ ބަދަލުގައި ރައްޔިތުންގެ މަޖިލީހުގެ އެންމެ މުހިންމު "241 ކޮމިޓީ ނުވަތަ ގައުމީ ސަލާމަތާ ބެހޭ ކޮމެޓީ" އަށް މުހައްމަދު އިސްމާއިލް ވަގުތުން އައްޔަން ކުރެވުނެވެ.

މުއިއްޒު ވެރިކަމުގެ ފުރަތަމަ އަހަރު ހޭދަކުރެއްވީ އިޤްތިޞާދީ ރިކަވަރީއަށް އިސްކަންދެއްވައި، ޗައިނާއާއެކު ގުޅުން ބަދަހިކުރުމަށް މަސައްކަތް ކުރައްވަމުންނެވެ. އިންޑިއާއާ ދޭތެރޭ ދުރުމިނެއް ބާއްވަވައިގެން ކުރިއަށް ވަޑައިގަތް ނަމަވެސް، 2024 ގެ ނޮވެމްބަރުގައި އެ ގުޅުން ކޮންމެވެސް ވަރަކަށް ރަނގަޅުވި އެވެ. ނަމަވެސް އެއީ ހަމަހަމަ ގުޅުމަކަށް ނުވިއެވެ. އިޤްތިޞާދު އާރާސްތުވަމުން ދިޔަ ނަމަވެސް، އެކަމަށް ވަރަށް ގިނަ މަސައްކަތްތަކެއް ކުރަން ޖެހުނެވެ.

އެ ދުވަސްވަރު އެތެރޭގެ ސިޔާސީ މަޝްރަހަށް ވެސް ރައީސް އަހައްމިއްޔަތުކަން ދެއްވައި، ސިޔާސީ ޕާޓީން މެންބަރުންގެ ގޮނޑި ގެއްލުވާލެވޭ ގޮތަށް ގާނޫނު އަސާސީއަށް އިސްލާހު ގެނެންވެިއެވެ. އިދިކޮޅު މައި ސިޔާސީ ޕާޓީ އެމްޑީޕީ އާއި އިދިކޮޅު ފަރާތްތަކުން މި ބިލު ދެކުނީ ޑިމޮކްރަސީއާ ފުށުއަރާ އެއްޗެއްގެ ގޮތުގައެވެ. އެކަމާ ގުޅިގެން ފެށުނު މުޒާހަރާތަކުގައި ފުލުހުންގެ އަނިޔާވެރި ޢަމަލުތަކެއް ހިނގައި، ހިއުމަން ރައިޓްސް ކޮމިޝަނުން ސުލްހަވެރި އެއްވެއުޅުމުގެ ހައްގު ކަށަވަރުކޮށްދިނުމަށް ގޮވާލިއެވެ.

ރައްޔިތުންގެ މަޖިލީހުން އެ ބިލު އަލުން މުރާޖަޢާކުރުމަށް އެންގުމުން، މުއިއްޒުގެ ފާޑުކިޔުންތެރިން އެކަމުގެ ކްރެޑިޓް އެމަނިކުފާނަށް ނުދިނެވެ. އޭގެ ބަދަލުގައި އެއީ ހަތް ފަނޑިޔާރުންގެ ބެންޗު "ޕެކް" ކުރުމަށް ރޭވި ރޭވުމެއްގެ ގޮތުގައި ދެކުނެވެ. ސަސްޕެންޑް ކުރެވުނު ތިން ފަނޑިޔާރުންގެ ތެރެއިން އެއް ފަނޑިޔާރަކު އިސްތިއުފާ ދީފައިވާ އިރު، ސަރުކާރު ން ސުޕްރީމް ކޯޓަށް އަތްބާނާ ނުފޫޒު ފޯރުވުމަށް ކުރަމުންދާ މަސައްކަތް އެ ފަނޑިޔާރު ވަނީ ހާމަކޮށްފައެވެ.

މީގެ އިތުރުން ރައީސް މުއިއްޒު ބޭނުންފުޅުވާ ގޮތަށް ތިން ބާރު އެއްކޮށް ވެރިކަމުގެ ނިޒާމު ފުނޑާލާ ސުޕްރީމް ކޯޓުވެސް އެމަނިކުފާނުގެ އަތްދަށަށް ގެންނަން މަސައްކަތް ކުރާކަން ސަސްޕެންޑްކުރި ފަނޑިޔާރުންގެ ވާހަކައިން ހާމަވެގެން ދެއެވެ. މި ސަރުކާރުގައި މަދީ އެންމެ އެއްޗެކެވެ. އެއީ ޑިމޮކްރަސީއެވެ.