ރޯދަމަހު މާރުކޭޓުގައި ކާށިއަގު ތިރިޔެއް ނުވޭ
މިރޯދަމަހު އެސްޓީއޯ މެދުވެރިކޮށް 5 ރ އަށް ކާޓެއް ވިއްކާކަމަށް ބުންޏަސް ، މާރުކޭޓުގައި ކާއްޓެއްގެ އަގު 60 ރުފިޔާ ހަމައަށް މިހަފްތާ އުފުލިއްޖެއެވެ.
ފުރަތަމަ އެސްޓީއޯއިން ކާއްޓެއް ވިއްކަންފެށީ 5 ރުފިޔާއަށް
މި ރޯދަމަހު އެސްޓީއޯ މެދުވެރިކޮށް 5 ރ އަށް ކާޓެއް ވިއްކަމުން ދަނިކޮށް މާރުކޭޓުގައި ކާއްޓެއްގެ އަގު މިހަފްތާ 60 ރުފިޔާ ހަމައަށް އުފުލިއްޖެއެވެ.
ބާޒާރުގައި ކާށީގެ އަގު އުފުލުނަ ނުދިނުމަށް އެސްޓީއޯ އާއި ސަރުކާރު ގުޅިގެން މަސައްކަތްފެށީ ފެބްރުއަރީ މެދުތެރޭގައެވެ. އެހެން ނަމަވެސް އެސްޓީއޯ އިން އަގުހެޔޮކޮށް ކާށި ވިއްކާއިރު މާރުކޭޓުގައި ކާށީގެ އަގު އުފުލިފައި ހުރުމުން އެކަމަށް ގިނަ ބަޔެއްގެ ފާޑުކިޔުން އެބައޮތެވެ.
ބައެއް މީހުން ބުނާ ގޮތުގައި އެސްޓީއޯއިން ފެބްރުއަރީ މަހު ވެސް ރާއްޖެއިން ބޭރުން ކާށިގެނަސް ވިއްކަން ފެށިއިރު އެސްޓީއޯ ޕީޕަލްޗޮއިސްއިން ކާށި ގަންނަން ލިބެމުންދިޔަ ވަގުތުކޮޅު ވަރަށް މަދެވެ. އެސަބަބާހުރެ 5 ރ ކާއްޓެއް ގަންނަން ލިބޭނެ ކަމަށް ބުންޏަސް އެވާހަކަތައް ޤަބޫލުކުރަން އުނދަގޫވިއެވެ.
މާރުކޭޓު ގޮޅިއެއްގައި ކާށިވިއްކާ މީހަކު ބުނި ގޮތުގައި އެމީހުންނަށް ރަށްރަށުން ކާށިގަނެގެން މާލެ ގެނެސް 5 ރ އަކަށް ކާޓެއް ވިއްކޭކަށް ނެތެވެ. ސަބަބެއް ކަމަށް އޭނާ ބުނީ އަތޮޅުތެރެއިން ކާށި މިހާރު ގަންނަން ލިބޭ އަގު ބޮޑުވެފައި އޮތުމެވެ.
