މިސްކިތްތަކަށް ޚަރަދު ކުުރުމުގެ ނަމުގައި ވެސް މި ސަރުކާރުން ކުރަނީ ވައްކަން: ޔައުޤޫބު

މި ބިންމަތީގައި ހުރި އެންމެ މާތް ތަނަކީ މިސްކިތް ކަމަށާއި ނަމަވެސް، އެ މިސްކިތްތަށް މަރާމާތު ކުރުމުގެ ނަމުގައި މި ސަރުކާރުން ކުރަމުން ގެނދަނީ ވައްކަން ކަމަށް ރައްޔިތުންގެ މަޖިލީހުގެ ދާންދޫ ދާއިރާގެ ކުރީގެ މެމްބަރު ޔައުޤޫބު އަބުދުﷲ ވިދާޅުވެއްޖެއެވެ.

ޔައުޤޫބު އަބުދުﷲ މިފަދައިން ވިދާޅުވީ ރައީސް މުއިއްޒުގެ މި ސަރުކާރުން މިސްކިތްތަކުގެ ނަމުގައި ދިވެހި މާލިއްޔަތުގައި ހުރި ފައިސާ ބޭނުންކޮށްގެން ކުރަމުންގެދާ ވައްކަމާއި ގުޅިގެން ރާއްޖެ ޓީވީގެ ފަލަސުރުޚީ ޕްރޮގްރާމުގައި ވާހަކަދައްކަވަމުންނެވެ.

ޔައުޤޫބް ވިދާޅުވީ މިސްކިތްތަކުގެ އާބާތުރަ ފިލުވަން ނުވަތަ މިސްކިތްތައް މަރާމާތު ކުރުމަށް 19 މިލިއަން ރުފިޔާ ޚަރަދުކުރި ކަމަށް ނިމިދިއަ އަހަރުގެ މޭ މަހުގެ އަށްވަނަ ދުވަހުގައި މިހާރުގެ އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސަޢީދު ދައުލަތުގެ މީޑިއާގައި ވިދާޅުވެފައިވާ ކަމަށެވެ. އަދި އޭގެ ތެރެއިން 15 މިލިއަން ރުފިޔާ އަކީ ދައުލަތުގެ ބަޖެޓުން ހޭދަކުރި ފައިސާ ކަމަށް މިނިސްޓަރ ވިދާޅުވެފައިވާ ކަން ޔައުޤޫބް ފާހަގަކުރެއްވިއެވެ.

ޔައުޤޫބް ވިދާޅުވީ ކަންމިހެން ހުރި އިިރު، ނިމި ދިއަ އަހަރުގެ މާލީ އަހަރީ ހިސާބުކިތާބުތައް އެކުލަވާލިއިރު، އަހަރީ ރިޕޯޓުގައި ވެސް އޮތީ މިސްކިތްތައް މަރާމާތު ކުރުމަށް 15 މިލިއަން ދައުލަތުގެ ބަޖެޓުން ޚަރަދުކުރި ކަމަށެވެ. އެހެން ނަމަވެސް މިއަހަރު ރައީސް ޑރ. މުހައްމަދު މުއިއްޒު ރައްޔިތުންނާއި މުޚާތަބުކުރައްވައި ވިދާޅުވެފައި ވަނީ 7.8 މިލިއަން ރުފިޔާ ކަމަށް ޔައުޤޫބް ވިދާޅުވިއެވެ.

ޔައުޤޫބް ވިދާޅުވީ މި ސަރުކާރުން މިސްކިތްތަކާއި ގުޅުވައިގެން އެކިފަހަރު ދައްކަނީ އެކި ވާހަތައް ކަމަށާއި ރައީސް މުއިއްޒު ދައްކަވާ ވާހަކަފުޅާއި މިނިސްޓަރު ޝަހީމް ދައްކަވާ ވާހަކަފުޅާއި ދިމާ ނުވާ ކަމަށެވެ. އެގޮތުން މި ދެ ބޭފުޅުންގެ ވާހަފުޅުންވެސް އެނގިގެން މި ދަނީ މިސްކިތްތައް މަރާމާތު ކުރުމަށް ހޭދަވިކަމަށް ވިދަޅުވާ ފައިސާގެ ތެރެއިން 9 މިލިއަން ރުފިޔާ ވަރު ވީނުވީއެއް ނޭންގި މަދުވެފައިވާކަން ކަމަށް ޔައުޤޫބް ވިދާޅުވިއެވެ.

މިސްކިތްތަކާއި ގުޅިގެން، މިސްތަކުގެ ނަމުގައި މި ސަރުކާރުން ކުރަމުން ގެންދާ ވައްކަންތަކުގެ ވާހަދައްކާލަން މިއީ ވަރަށް ރަނގަޅު ވަގުތެއްކަން ނޭންގެ. 2024 ވަނަ އހަރުގެ މޭ މަހުގެ 8 ވަނަ ދުވަހު މިހާރުގެ އިސްލާމިކް މިނިސްޓަރ ޝަހީމް ވިދާޅުވި، އަދި އެ ވިދާޅުވު ކަމަށް ރިޕޯޓުކޮށްފައި އެބައޮތް، ސަރުކާރުހެ މެއިން މީޑިއާގަ، ޕީއެސްއެމްގަ ރިޕޯޓުކޮށްފަ އެބައިން 19 މިލިއަން ރުފިޔާ މިސްކިތައް މަރާމާތުކޮށް އާބާތުރަ ފިލުވުމަށް ޚަރަދު ކުރެއްވި ވާހަކަ ވިދާޅުވެފަ އެބައިން. ދެން އޭގެ ތެރެއިން 15 މިލިއަން ރުފިޔާ އަކީ ދައުލަތުގެ ބަޖެޓުގެ ތެރެއިން ޚަރަދުކުރި ފައިސާކަމަށް.

ދާންދޫ ދާއިރާގެ ކުރީގެ މެމްބަރު ޔައުޤޫބު އަބުދުﷲ

ޔައުޤޫބް ވިދާޅުވީ މި ބިންމަތީގައި ހުރި އެންމެ މާތް ތަނަކީ މިސްކިތްތައް ކަމަށާއި މި ސަރުކާރުން މިސްކިއްތަށް މަރާމާތު ކުރުމުގެ ނަމުގައި ވެސް މި ކުރަނީ ހަމަ އެންމެ ކަމެއް ކަމަށެވެ. އަދި އެކަމަކީ ވައްކަން ކަމަށް ޔައުޤޫބް ވިދާޅުވިއެވެ.

ޔައުޤޫބް ވިދާޅުވީ މި ސަރުކާރުގެ އެންމެ މައިގަނޑު އެއް ސިޔާސަތުގެ ތެރޭގައި ހިމެނެނީ ދައުލަތުގެ މާލިއްޔަތުގެ ހިސާބުކިތާބުތައް އާންމު ނުކުރުން ކަމަށެވެ. އަދި އެއީ މީގެ ކުރީ ސަރުކާރުތަކުން މަހުން މަހަށް ނުވަތަ ދުވަހުން ދުވަހަށް ބަރާބަރަށް ޤަވައިދުން ކުރަމުން އައި ކަމެއް ކަމަށާއި ނަމަވެސް މި ސަރުކާރު އައިފަހުން އެކަންވެސް ވަނީ ހުއްޓިފައި ކަމަށް ޔައުޤޫބް ވިދާޅުވެއްޖެއެވެ.

ޔައުޤޫބު ވިދާޅުވީ މި ސަރުކާރުން މާލިޔައްތުގެ ޚަރަދުތަކުގެ ތަފްޞީލް ރިޕޯޓުތައް އާންކުރަނީ ރައްޔިތުން ސޯޝަލް މީޑިއާގައި ނުވަތަ ނޫސްތަކުގައި އެވާހަތައް ލިޔަން ފެށުމުން އޭގެ ހަތަރެއް ނޫނީ ފަސް މަސް ދުވަހުން ކަމަށެވެ. އަދި ކުރާ އިރުވެސް ރިޕޯޓުތައް އެ އާންމު ކުރަނީ މުޅިން އޮޅުވާލައިގެން ކަމަށް ވެސް ޔައުޤޫބް ވިދާޅުވިއެވެ.