ލީލް ބަލިކޮށް، ޕީއެސްޖީ އަށް 16 ޕޮއިންޓުގެ ލީޑެއް
މޮޅާއެކު ޕީއެސްޖީން ވަނީ އެއް ވަނައިގައި 16 ޕޮއިންޓުގެ ލީޑެއް ނަގައިފަ އެވެ. ލީގުގައި މިހާތަނަށް ކުޅެފައިވާ 24 މެޗުން އެ ޓީމަށް ލިބެނީ 62 ޕޮއިންޓެވެ.
ލީލްއާ ދެކޮޅަށް ކުޅުނު މެޗުގައި ލަނޑު ޖެހުމަށްފަހު ޕީއެސްޖީގެ ކުޅުންތެރިން އުފާ ފާޅު ކުރަނީ
ފްރާންސް ލީގުގައި ލީލްއާ ދެކޮޅަށް ކުޅުނު މެޗުން މޮޅުވެ، އެންމެ ފަހުގެ ޗެމްޕިއަން ޕެރިސް ސެއިންޓް ޖާާމަން (ޕީއެސްޖީ) އިން އެއް ވަނައިގައި ބޮޑު ލީޑެއް ނަގައިފި އެވެ.
ޕީއެސްޖީގެ އަމިއްލަ ދަނޑުގައި ހޮނިހިރު ދުވަހުގެ ރޭ ކުޅުނު މެޗު އެ ޓީމުން ކާމިޔާބު ކުރީ 4-1 އިންނެވެ. މެޗުގެ ފުރަތަމަ ހާފުގައި ޕީއެސްޖީން ހަތަރު ލަނޑު ޖަހައިގެން ލީޑު ނެގިއިރު، ލީލް އިން ހަމައެކަނި ލަނޑު ޖެހީ ދެ ވަނަ ހާފުގަ އެވެ.
މެޗު ފަށައިގެން ހަ ވަނަ މިނެޓުގައި ޕީއެސްޖީ އަށް ލީޑު ނަގައިދިނީ ބްރާޑްލޭ ބާކޮލާ އެވެ. އޭގެ ފަހުން މެޗުގެ 22 ވަނަ މިނެޓުގައި ޑިސައާ ޑޯ ތަނަވަސްކޮށްދިން ފުރުސަތެއްގައި މާކީނިއޯސް ވަނީ ޕީއެސްޖީގެ ދެ ވަނަ ލަނޑު ޖަހައި ލީޑު ފުޅާ ކޮށްފަ އެވެ.
އޭގެ ހަ މިނެޓު ފަހުން ފްރާންސްގެ އޮސްމާން ޑެމްބެލޭ ވަނީ ޕީއެސްޖީގެ ތިން ވަނަ ލަނޑު ޖަހައިފަ އެވެ. އެއީ ޔާއޯ ނެވޭސް ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ. މެޗުގައި ޕީއެސްޖީގެ ހަތަރު ވަނަ ލަނޑު ޑޯ ޖެހީ ޑެމްބެޕޭ ތަނަވަސްކޮށްދިން ފުރުސަތެއްގަ އެވެ.
މެޗުގައި ލީލް އިން އެ ޓީމުގެ ހަމައެކަނި ލަނޑު ޖެހީ މެޗުގެ ފަހު ވަގުތުގަ އެވެ. މެޗުގެ 80 ވަނަ މިނެޓުގައި އެ ލަނޑު ޖެހީ ޖޮނަތަން ޑޭވިޑް އެވެ. މެޗުގައި އޭނާ ކުޅެން ނިކުތީ ބަދަލު ކުޅުންތެރިޔެއްގެ ގޮތުގަ އެވެ.
މޮޅާއެކު ޕީއެސްޖީން ވަނީ އެއް ވަނައިގައި 16 ޕޮއިންޓުގެ ލީޑެއް ނަގައިފަ އެވެ. ލީގުގައި މިހާތަނަށް ކުޅެފައިވާ 24 މެޗުން އެ ޓީމަށް ލިބެނީ 62 ޕޮއިންޓެވެ. ޕީއެސްޖީ އަށް ވުރެ އެއް މެޗު މަދުން ކުޅެގެން ދެ ވަަނައިގައި މާސޭ އަށް ލިބެނީ 46 ޕޮއިންޓެވެ.
