ޙަމާސް އިން ބުނަނީ އިސްރާއީލަށް "އަނިޔާވެރި މަޤްޞަދުތައް ޙާޞިލުކުރުމުގައި ނާކާމިޔާބުވެފައިވާ" ކަމަށް
އިސްރާއީލަށް "ކާމިޔާބުވެފައިވަނީ ހަމައެކަނި އިންސާނީ ކަރާމަތާއި ޢިއްޒަތަށް ނިކަމެތިކަން ގެނެސްދޭ ހަނގުރާމައިގެ ޖަރީމާތައް ހިންގުން" ކަމަށް ހަމާސް އިން ބުނެފައިވޭ.
2025 ޖެނުއަރީ 15 - ހަނގުރާމަ ހުއްޓާލުމުގެ އެއްބަސްބުން އިއުލާނު ކުރުމާއެކު ފަލަސްތީނު ރައްޔިތުން ޚާން ޔޫނިސްގައި އުފާ ފާޅު ކުރަނީ
އިސްރާއީލުން ޣައްޒާ ގައި "އަނިޔާވެރި މަޤްޞަދުތައް ޙާޞިލުކުރުމުގައި ނާކާމިޔާބުވެފައިވާ" ކަމަށް ހޮނިހިރު ދުވަހު ޙަމާސްއިން ބުނެފިއެވެ.
ހަމާސް އިން ނެރުނު ބަޔާނެއްގައި މިހެން ބުނީ އިސްރާއީލާއެކު އެއްބަސްވެފައިވާ ހަނގުރާމަ ހުއްޓާލުމާއި ރަހީނުން ދޫކޮށްލުމުގެ އެއްބަސްވުން ފެށުމަށް އެއް ދުވަހަށް ވަގުތު ކުޑަތަންވެފައި ވަނިކޮށްނެވެ.
އެ ޖަމާޢަތުން ނެރުނު ބަޔާނެއްގައި ބުނެފައިވަނީ އިސްރާއީލަށް "ކާމިޔާބުވެފައިވަނީ ހަމައެކަނި އިންސާނީ ކަރާމަތާއި ޢިއްޒަތަށް ނިކަމެތިކަން ގެނެސްދޭ ހަނގުރާމައިގެ ޖަރީމާތައް ހިންގުން" ކަމަށެވެ.
އަދި އެ ޖަމާޢަތުން ބުނެފައިވަނީ ޣައްޒާގައި އެމީހުން ހިފަހައްޓާފައިވާ އިސްރާއީލީ ރަހީނުން ދޫކޮށްލުމުގެ ނިޒާމު ބިނާވެފައި އޮންނާނީ އިސްރާއީލުން މިނިވަންކުރާ ފަލަސްޠީނު މީހުންގެ އަދަދުގެ މައްޗަށް ކަމަށެވެ.
ޙަމާސްއިން ބުނެފައިވަނީ އިސްރާއީލުން މިނިވަންކުރާނެ ފަލަސްޠީނު މީހުން ލިސްޓު ޝާއިޢުކުރާނީ ބުދަ ދުވަހު އިސްރާއީލާއެކު ވެވުނު ހަނގުރާމަ ހުއްޓާލުމުގެ އެއްބަސްވުމުގެ ދަށުން މީހުން ބަދަލުކުރުމުގެ އެއް ދުވަސް ކުރިން ކަމަށެވެ.
ޤަޠަރުގެ ޚާރިޖީ ވުޒާރާގެ ތަރުޖަމާނު ވިދާޅުވެފައިވަނީ ހަނގުރާމަ ހުއްޓާލުން ފެށޭނީ އާދީއްތަ ދުވަހުގެ ހެނދުނު 8:30 ގައި ކަމަށެވެ.
