ސައުދީ ޕްރޯ ލީގުގައި އަލް ޚުލޫދާ ދެކޮޅަށް ކުޅުނު މެޗުން، އަލް އިއްތިފާގު ބަލިވެއްޖެ އެވެ.

އަލް ޚުލޫދާ ދެކޮޅަށް ކުޅުނު މެޗުން އަލް އިއްތިފާގު ބަލިވީ 3-2 އިންނެވެ. މެޗުގައި އަލް ޚުލޫދުން ދެ ފަހަރެއްގެ މަތިން ލީޑު ވެސް ނެގި އެވެ. ނަމަވެސް އަލް އިއްތިފާގުން ދެ ފަހަރު ވެސް ނަތީޖާ ހަމަހަމަ ކުރި އެވެ. މެޗުން އަލް ޚުލޫދު މޮޅުވީ އެންމެ ފަހު ވަގުތުގައި ޖެހި ލަނޑުންނެވެ.

މެޗުގެ ފުރަތަމަ ހާފުގެ 25 ވަނަ މިނެޓުގައި އަލް ޚުލޫދަށް ލިބުނު ޕެނަލްޓީ ކާމިޔާބުކޮށް ލީޑު ނަގައިދިނީ ޖެކްސަން މުލެކާ އެވެ. އޭގެ ފަހުން މެޗުގެ 30 ވަނަ މިނެޓުގައި ޖޯޖީނިއޯ ވައިނަލްޑަމް ޖެހި ލަނޑުން އަލް އިއްތިފާގު ވަނީ މެޗުގެ ނަތީޖާ ހަމަހަމަ ކޮށްފަ އެވެ. މެޗުގެ ދެ ވަނަ ހާފު ފަށައިގެން ނުވަ ވަނަ މިނެޓުގައި ދެ ވަނަ ފަހަރަށް އަލް ޚުލޫދަށް ލީޑު ނަގައިދިނީ މީޒިއާން މައޮލިޑާ އެވެ. ނަމަވެސް މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި ލިބުނު ޕެނަލްޓީ ކާމިޔާބުކޮށް، ދެ ވަނަ ފަހަރަށް އަލް އިއްތިފާގަށް ނަތީޖާ ހަމަހަމަ ކޮށްދިނީ މޫސާ ޑެމްބެލޭ އެވެ. އޭގެ އިރުކޮޅެެއް ފަހުން މައޮލިޑާ ޖެހި ލަނޑުން އަލް ޚުލޫދު ވަނީ މެޗުން މޮޅުވެފަ އެވެ.

މި ނަތީޖާ އާއެކު އަލް އިއްތިފާގު އޮތީ ލީގު ތާވަލްގެ 11 ވަނައިގަ އެވެ. އެއީ މިހާތަނަށް އެ ޓީމު ކުޅެފައިވާ 14 މެޗުން 15 ޕޮއިންޓާ އެކު އެވެ. މެޗުން މޮޅުވި އަލް ޚުލޫދު އޮތީ 13 ޕޮއިންޓާ އެކު 13 ވަނައިގަ އެވެ.