ލޯންޗަކުން ޖެހި ފަތުރުވެރިއަކު މަރުވެއްޖެ
10 ޖެނުއަރީ 2025 | ހުކުރު 11:21މަރުވެފައިވަނީ އާޖެންޓީނާގެ 55 އަހަރުގެ ފިރިހެން ފަތުރުވެރިއެއް
ޙުސައިން މަޚްތޫމް | 10 ޖެނުއަރީ 2025 | ހުކުރު 11:21
ލޯންޗުން ޖެހި އެކްސިޑެންޓުވެ މަރުވި ފަތުރުވެރިޔާ
ލޯންޗަކުން ޖެހި ފަތުރުވެރިއަކު މަރުވެއްޖެއެވެ.
ފުލުހުން ބުނީ ހުކުރު ދުވަހުގެ ހެނދުނު 10:00 ހާއިރު އދ. އަތޮޅު ރިސޯޓެއްގައި ޗުއްޓީ ހޭދަކުރަމުންދިޔަ ފަތުރުވެރިއެއް ރެޑިސަން ބުލޫ މޯލްޑިވްސް ރިސޯޓް ބޭރު މޫދުގައި އުޅެނިކޮށް އައިކޮމް ގްރީން ނަމަކަށް ކިޔާ ލޯންޗްއަކުން ޖެހި މީހާ މަރުވެފައިވާ މައްސަލަ ފުލުހުންނަށް ރިޕޯޓްކޮށްފައިވާ ކަމަށެވެ.
ފުލުހުން ބުނީ މަރުވެފައިވަނީ އާޖެންޓީނާގެ 55 އަހަރުގެ ފިރިހެން ފަތުރުވެރިއެއް ކަމަށެވެ.
މި މައްސަލަ ފުލުހުން ގެންދަނީ ތަހުގީގުކުރަމުންނެވެ.
