އިންޓަ ރިސޯޓް ޗެމްޕިއަންސް ލީގު: އަނަންތަރާ އަދި ކޮއްދިއްޕަރު ފެށުން ރަނގަޅު ކޮށްފި

އިންޓަ ރިސޯޓް ޗެމްޕިއަންސް ލީގުގައި އަނަންތަރާ ކިހާވަށް އަދި ގްރޭންޑް ޕާކް ކޮއްދިއްޕަރު ފެށުން ރަނގަޅު ކޮށްފި އެވެ.

ހޯމް އެންޑް އަވޭ އުސޫލުން ކުރިޔަށް ގެންދާ މި މުބާރާތުގައި އަނަންތަރާ ކުޅުނު މެޗު ކާމިޔާބުކުރީ ޝެރެޓަންއާ ވާދަކޮށް ސީދާ ތިން ސެޓުންނެވެ.

އަނަންތަރާގައި ކުރިޔަށް ދިޔަ މި މެޗުގެ ސެޓްތައް އެޓީމުން ގެންދިޔައީ 23-25، 17-25 އަދި 21-25 އިންނެވެ. މެޗުގެ މޮޅު ކުޅުންތެރިޔަކަށް ހޮވިފައިވަނީ އަނަންތަރާގެ އިސްމާއިލް ސާޖިދު އެވެ.

މުބާރާތުގައި ކޮއްދިއްޕަރު ކުޅުނު މެޗު އެޓީމުން ކާމިޔާބުކުރީ ނިޔާމާއާ ވާދަކޮށް ތިން ސެޓް އެއް ސެޓުންނެވެ.

ހުޅުމާލޭގައި ކުރިޔަށް ދިޔަ މި މެޗުގެ ފުރަތަމަ ސެޓް ކޮއްދިއްޕަރުން 22-25 އިން ގެންދިޔައިރު، ދެވަނަ ސެޓް 25-27 އިން ނިޔާމާ އިން ވަނީ ކާމިޔާބު ކޮށްފައެވެ. އެހެންނަމަވެސް ޖެހިގެން އައި ދެ ސެޓް 18-25 އަދި 14-25 އިން ކޮއްދިއްޕަރުން ވަނީ ކާމިޔާބު ކޮށްފައެވެ. މެޗުގެ މޮޅު ކުޅުންތެރިޔަކަށް ހޮވިފައިވަނީ ކޮއްދިއްޕަރުގެ އާދަމް ނަސީމް އެވެ.