ޣައްޒާގައި ބަނޑުހައިހޫނުކަން ފުޅާވަނީ، 24 ގަޑީއިރު ތެރޭ އިސްރާއީލުގެ ހަމަލާތަކުން ގާތްގަނޑަކަށް 100 މީހުން ޝަހީދުވެއްޖެ
421 ވަނަ ދުވަސް ފާއިތުވަމުންދާ ހުއްޓުމެއްނެތް އިޒްރޭލުގެ އަނިޔާވެރި ހަމަލާތަކުގައި ހޮނިހިރު ދުވަހުގެ ފަތިހުން ފެށިގެން އެތައް ކުޑަކުދިންނާއި އަންހެނުން ހިމެނޭގޮތަށް، އެތައް އާންމުންނެއް މަރުވެ އަނިޔާވެފައިވެއެވެ.
ޣައްޒާގެ އިމާރާތަކަށް އިޒްރޭލު ސިފައިން ބޮން އަޅަނީ (ފައިލް)
ވޭތުވެދިޔަ 24 ގަޑިއިރުގެ ތެރޭގައި ޣައްޒާގެ އެކި ސަރަހައްދުތަކަށް އިސްރާއީލުން ދިން ހަމަލާތަކުގައި ގާތްގަނޑަކަށް 100 ފަލަސްތީނު މީހުން ޝަހީދުވެފައިވާ ކަމަށް ރިޕޯޓުތައް ބުނެފިއެވެ. މީގެ ތެރޭގައި އުތުރުގެ ބައިތު ލަހިޔާގެ ދެ އިމާރާތަކަށް ބޮން އަޅާ ދިން ހަމަލާގައި މަރުވި 75 މީހުން ހިމެނެއެވެ.
421 ވަނަ ދުވަސް ފާއިތުވަމުންދާ ހުއްޓުމެއްނެތް އިޒްރޭލުގެ އަނިޔާވެރި ހަމަލާތަކުގައި ހޮނިހިރު ދުވަހުގެ ފަތިހުން ފެށިގެން އެތައް ކުޑަކުދިންނާއި އަންހެނުން ހިމެނޭގޮތަށް، އެތައް އާންމުންނެއް މަރުވެ އަނިޔާވެފައިވެއެވެ.
ޣައްޒާގެ މަސްދަރުތަކުން ރިޕޯޓުކުރި ގޮތުގައި ޣައްޒާ ސިޓީގެ މެދުތެރޭގައި އޮންނަ އަލް-ރިމާލް ސަރަހައްދުގައި ގެއަކަށް ޔަހޫދީ ބާރުތަކުން ދިން ބޮމުގެ ހަމަލާއެއްގައި 7 މީހުން މަރުވެ އިތުރު މީހުންނަށް އަނިޔާވެފައިވެއެވެ. އިތުރު މީހުން އިމާރާތުގެ ދަށުވެފައިވާ ކަމަށް ބެލެވެއެވެ.
ޣައްޒާ ސްޓްރިޕްގެ އުތުރުގައިވާ ޖަބާލިޔާ އަލް-ނަޒްލާގައި އިޒްރޭލުގެ އަސްކަރީ ޑްރޯނަކުން ދިން ހަމަލާ އެއް ގައި އާންމުންގެ މީހަކު މަރުވެފައިވެއެވެ.
މީގެ އިތުރުން، ސްޓްރިޕްގެ ދެކުނުގައިވާ ޚާން ޔޫނިސްގެ އިރު އުތުރުގައިވާ އަލް-ސަތާރު އަލް-ޝަރުޤީ ސަރަހައްދުގެ ދުއްވަމުން ދިޔަ މަދަނީ އުޅަނދަކަށް އިޒްރޭލުގެ ބާރުތަކުން ދިން ބޮމުގެ ހަމަލާއެއްގައި ދެ މީހުން މަރުވެ އިތުރު މީހުން ޒަޚަމްވެފައިވެއެވެ.
އިސްރާއީލުގެ އޮކިއުޕޭޝަން ބާރުތަކުން 7 އޮކްޓޯބަރު 2023 އިން ފެށިގެން ޣައްޒާ ސްޓްރިޕް އަށް ކުރަމުންދާ އަނިޔާވެރި ހަމަލާތަކުގެ ސަބަބުން 44،363 ފަލަސްތީނު ރައްޔިތުން މަރުވެފައިވެއެވެ. މީގެ ތެރޭގައި ގިނަ އަދަދެއް އަންހެނުންނާއި ކުޑަކުދިން ހިމެނެއެވެ. އަދި 105،070 މީހުން ޒަޚަމްވެފައިވެއެވެ.
ޣައްޒާ ސަރުކާރުގެ މީޑިއާ އޮފީހުން ބުނާ ގޮތުގައި ކާބޯތަކެއްޗަށް އިޒްރޭލުން ހުރަސް އަޅަމުން ދާތީ ފަލަސްތީނު މީހުންގެ މެދުގައި ބަނޑުހައިހޫނުކަމާއި ވޭނުގެ މިންވަރު ވަނީ "ކާރިސާގެ" ދަރަޖައަށް ގޮސްފައެވެ.
