"ކަނެކްޓް މިއޮޓް" - 25 އަހަރުގެ ތަޖުރިބާ އާއެކު ސިއްހީ މައުލޫމާތު ހިއްސާކުރުމުގެ މުއްސަނދި ސެމިނާއެއް
ބައެއް ސިއްހީ ތަޖުރިބާކާރުންގެ ބަސްވެސް މި ރަސްމިއްޔާތުގެ ތެރެއިން ވަނީ ގެނެސްދީފަ
"ކަނެކްޓް މިއޮޓް" ސެމިނާގެ ތެރެއިން
ނަޒާހަތްތެރިކަމާއި އެކު 25 އަހަރު ޚިދުމަތުގައި ދެމި އޮތް މިއޮޓް އިންޓަރނޭޝަނަލްގެ ފަރާތުން ކަނެކްޓް މިއޮޓްގެ ނަމުގައި ޚާއްސަ ސެމިނާއެއް ރާއްޖޭގައި ބާއްވައިފިއެވެ.
އިންޑިއާގެ އެ ހޮސްޕިޓަލްގެ އިސްނެގުމާއި އެކު ކުރިއަށް ދިޔަ އެ ސެމިނާ އަކީ ސިއްހީ ކާމިޔާބު ތަޖުރިބާތައް ދިވެހިރާއްޖޭގެ ޑޮކްޓަރީ އަދި ސިއްހީ އާއިލާ އާ ހިއްސާކޮށް، ދެ ފަރާތުގެ ސިއްހީ ޢިލްމު ބަދަލުކުރުމުގެ މަޤްސަދުގައި ކުރިއަށް ގެންދިޔަ ސެމިނާއެކެވެ. 25 އަހަރުގެ ތަޖުރިބާ އާއެކު ސިއްހީ މައުލޫމާތު ހިއްސާކުރުމުގެ އެކި ހަރަކާތްތައް ކުރިއަށް ގެންދިޔަ، މުއްސަނދި މި ސެމިނާއަކީ އެ ދާއިރާގެ ތަޖުރިބާކާރުންނާއި މުފައްކިރުން ހިމެނޭހެން ކުރިއަށް ގެންދިޔަ ކާމިޔާބު ސެމިނާއެކެވެ.
ބުރާސްފަތި ދުވަހު އެ ސެމިނާ ފެށުމުގެ ރަސްމިއްޔާތުގައި ވާހަކަދައްކަވަމުން މިއޮޓްގެ މެނޭޖިން ޑިރެކްޓަރ ޑރ.ޕްރިތްވީ މޮހަންދާސް ވަނީ މިއޮޓްގެ ޚިދުމަތްތައް ފެށިގެން މިހާހިސާބަށް އައި ގޮތަށް އަލިއަޅުވާލައްވާފައެވެ. އޭނާ ވަނީ އެ ހޮސްޕިޓަލްގެ ދިގު ތާރީހީ ތަޖުރިބާ ސެމިނާގެ ބައިވެރިންނާއި ހިއްސާކުރައްވާފައެވެ. އޭގެ އިތުރުން އެއްކޮޅުން ސިއްހީ ދާއިރާއަށް އާއްމުން ކުރަމުންދާ އިތުބާރު ދަށްވަމުން ދާއިރު ޓެކްނޮލޮޖީ ދަނީ އެ ދާއިރާ އިން ވެސް ކުރިއަރަމުންކަން އޭނާ ވަނީ ފާހަަގަކުރައްވާފައެވެ. އެހެންކަމުން އާއްމުން އިތުބާރު ކުރާ ފެންވަރު ރަނގަޅު ޚިދުމަތެއް ދެމެހެއްޓެނެވި ގޮތެއްގައި ދިނުމަކީ ބުރަ ޒިންމާއެއްކަން އޭނާ ވަނީ ފާހަގަކުރައްވާފައެވެ. އެހެންނަމަވެސް އެ ޚިދުމަތްތައް އަދާހަމަކޮށް ރަނގަޅު ޚިދުމަތެއް ފޯރުކޮށްދިނުމަށް މިއޮޓް އިންޓަރނޭޝަނަލް އިން ދަނީ ކެނޑިނޭޅި މަަސައްކަތްކުރަމުން ކަމަށް އޭނާ ވިދާޅުވިއެވެ.
މިއޮޓް އިން މަސައްކަތް ކުރަނީ އާއްމުންނަށް އަތްފޯރާ ފަދަ ޚިދުމަތެއް ދިނުމަށް ކަމަށް އޭނާ ވަނީ ވިދާޅުވެފައެވެ. މިއޮޓްގެ ފައުންޑަރ މެމްބަރ ޕްރޮފެސަރ މޮހަންދާސްގެ ތަސައްވުރަކީ ދުނިޔޭގެ ފެންވަރުގައި އެންމެ ރަނގަޅު ތަޖުރިބާ އެ ހޮސްޕިޓަލް މެދުވެރިކޮށް ބަލި މީހުންނަށް ފޯރުކޮށްދިނުން ކަަމަށް ޑރ.ޕްރިތްވީ ފާހަގަކުރެއްވިއެވެ. ހަމައެހެންމެ ސިއްހީ ދާއިރާގައި ދެމުންދާ ޚިދުމަތްތަކުގެ ތެރެއިން ބައެއްކަހަލަ ކަންކަމަށް ކުރަން ޖެހޭ ހޭދަ ބޮޑުވުމާއި، މައްސަލަތައް ދިމާވުމުގެ ފުރުސަތު ބޮޑު ކަންކަމުގެ ސަބަބުން އާއްމުން ބައެއް އޮޕަރޭޝަންތައް ކުރުމަށް ޖެހިލުންވާކަމަށް ވެސް އޭނާ ވަނީ ފާހަގަކުރައްވާފައެވެ. ސިއްހީ ދާއިރާގައި ދިމާވާ މައްސަލަތަކަށް ހައްލު ހޯދުމަށް އެ ހޮސްޕިޓަލުން ކެނޑިނޭޅި މަސައްކަތްކުރަމުންދާ ކަމަށް އެނާ ވަނީ ވިދާޅުވެފައެވެ. މީގެ އިތުރުން ޚިދުމަތް ދިނުމުގައި ފެންވަރު ރަނގަޅު އިންސާނީ ވަސީލަތްތައް ޤާއިމްކުރުމުގެ އިތުރުން ޒަމާނީ ސިއްހީ ވަސީލަތްތަކަށް އިންވެސްޓްކުރުމަށް އެ ހޮސްޕިޓަލުން އިސްކަންދެއްވާކަމަށް އޭނާ ވަނީ ވިދާޅުވެފައެވެ.
އެ ރަސްމިއްޔާތުގައި މިއޮޓްގެ ޤާބިލް ޑޮކްޓަރ، ޑިރެކްޓަރ ކާރްތިކް ވަނީ އިންޓަރވެންޝަނަލް ރޭޑިއޮލޮޖީ އާއި މެދު ވާހަކަދައްކަވާފައެވެ. އިންޓަރވެންޝަނަލް ރޭޑިއޮލޮޖީގެ ސަބަބުން އަވަހަށް ރިކަވަރވުމަށް މަގުފަހިވާ ކަމަށް އޭނާ ވިދާޅުވިއެވެ، ޖެނިކިއުލަރ އާޓްރީ އެމްބޮލައިޒޭޝަން އަކީ މި ޒަމާނަށް ފެތޭ ކާމިޔާބު ނިޒާމެއް ކަމަށް އޭނާ ވިދާޅުވިއެވެ. މިއީ ކުޑަ ޑިވައިސް އެއް ހަށިގަނޑަށް ލައްވައިގެން ބަލި މީހާގެ ހުރި ބަލި ދެނެެގަނެވޭ ނުވަތަ ބައްޔަށް ފަރުވާދެވޭ ނިޒާމެކެވެ. ޑރ.ކާރްތިކް ވަނީ އެ ނިޒާމް ބޭނުންކުރުމުގެ ފައިދާތަކާއި ކާމިޔާބު ކޭސް ސްޓަޑީތަކަށް އަލިއަޅުވާލައްވާފައެވެ.
މި ރަސްމިއްޔާތުގައި މިއޮޓްތެ ތާރީހާއި ބެހޭ ބައެއް ވީޑިއޯކްލިޕްތައް ވަނީ ދައްކާލާފައެވެ. އަދި ބައެއް ސިއްހީ ތަޖުރިބާކާރުންގެ ބަސްވެސް މި ރަސްމިއްޔާތުގެ ތެރެއިން ވަނީ ގެނެސްދީފައެވެ.
އިންޑިއާގެ ޗެންނާއިގައި 1999 ވަނަ އަހަރު ހަމައެކަނި ޓްރޯމާ ކެއަރ އަދި ކަށީގެ ބަލިތަކަށް ޚާއްސަ ޑޮކްޓަރުންނާއި އެކު ފެށި މި ހޮސްޕިޓަލް އަކީ މިހާރު 1000 އެނދުގެ ފުޅާ ޚިދުމަތްތަކެއް ދެމުން އަންނަ ހޮސްޕިޓަލެކެވެ. 60 އަށް ވުރެ ގިނަ ސްޕެޝަލިޓީ އިން މި ހޮސްޕިޓަލުގައި ޚިދުމަތްދެ އިރު މިއޮޓްގެ ޚިދުމަތްތައް 130 ޤައުމަށް ވަނީ ފުޅާކޮށްފައެވެ. ފާއިތުވި އަހަރުތަކުގައި އެ ހޮސްޕިޓަލުން ފޯރުކޮށްދިން ޚިދުމަތްތަކާއި އެކު މިއޮޓްވެފައި ވަނީ މުޅި ދުނިޔޭގައި ވެސް އެންމެ ފާހަގަކޮށްލެވޭ، އިތުބާރު ހުރި ހޮސްޕިޓަލްތަކުގެ ތެރެއިން އެއް ހޮސްޕިޓަލަށެވެ. މިތަނުގެ އެންމެ ޚާއްސަ އެއް ސިފައަކީ ހިތްގައިމު އިންޓީރިއާ އާއި ހިތްފަސޭހަ ތަޖުރިބާއެވެ. ކޮންމެ ބަލި މީހަކަށް ވެސް މިއޮޓް އިން ޚިދުމަތްދެމުން ދަނީ އެ ކޭސްއަކަށް ޚާއްސަ ސަމާލުކަމެއް ދީގެންނެވެ. ހަމައެންމެ އަގުގެ ގޮތުން ބަލާ އިރު އެހެން ތަންތަނަށް ވުރެ ހެޔޮ އެހެންނަމަވެސް ފެންވަރު ރަނގަޅު ބަރޯސާ ވެވޭ ފަދަ ޚިދުމަތެއް މިއޮޓް އިންޓަރނޭޝަނަލް ހޮސްޕިޓަލްގެ ފަރާތުން ދަނީ ފޯރުކޮށްދެމުންނެވެ. ހަމައެހެންމެ ސިއްހީ ދާއިރާ އިން މީހުން ތަމްރީންކުރުމުގައި ވެސް މިއޮޓް އިންޓަރނޭޝަނަލް އަކީ މުހިންމު ހިއްސާދާރެކެވެ.
