ރާއްޖޭގައި އިންޑިއާ ސިފައިން ގާއިމްވެ އެބަތިބި، ރައީސް މުއިއްޒު ހައްދަވަނީ އިތުރުފުޅު: ޔާމީން
7 ނޮވެމްބަރު 2024 | ބުރާސްފަތި 06:16އިންޑިއާ-ރާއްޖެއާއި ދެމެދު މައްސަލައެއް ނެތް، އަބަދުވެސް ދެގައުމުގެ ދެމެދުގައި ހާރިޖީ ގުޅުން އޮވޭ
ފަށާއިރު ޕްރޮގްރާމްގައި ކުރީގެ ރައީސް އަބްދުﷲ ޔާމީން ވާހަކަދައްކަވަނީ
ދިވެހިރާއްޖޭގައި އިންޑިއާ ސިފައިން ގާއިމްވެ އެބަތިބި ކަމަށާއި، ރައީސް ޑރ.މުހައްމަދު މުއިއްޒު ހައްދަވަނީ އިތުރުފުޅު ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެއެވެ.
ބުރާސްފަތި ދުވަހުގެ ރާއްޖެޓީވީގެ ފަށާއިރު ޕްރޮގްރާމްގައި ޔާމީން ވިދާޅުވީ އިންޑިއާ އައުޓް ކެންޕޭންއަކީ ރާއްޖޭގައި ދާއިމަށް އިންޑިއާ ސިފައިން ގާއިމްވެ ތިބޭތީ އެކަމާއި ދެކޮޅަށް ކުރިއަށް ގެންދާ ކެންޕޭނެއް ކަމަށެވެ. އިންޑިއާ-ރާއްޖެއާއި ދެމެދު މައްސަލައެއް ނެތް ކަމަށާއި، އަބަދުވެސް ދެގައުމުގެ ދެމެދުގައި ހާރިޖީ ގުޅުން ވެސް އޮންނަ ކަމަށް ޔާމީން ވިދާޅުވިއެވެ.
އެގޮތުން ދެގައުމުގެ ދެމެދުގައި އިންޕޯޓު ކުރާ ކަމަށާއި، އެއްބަސްވުންތައް ގާއިމްކޮށް، ބައްދަލުވުންތައް ކުރިއަށް ގެންދާކަން ޔާމީން ފާހަގަކުރެއްވިއެވެ.
ރައީސް މުއިއްޒު އިތުރުފުޅު ހައްދަވާކަން ފާހަގަކުރައްވައި ޔާމީން ވިދާޅުވީ ރާއްޖޭގައި އިންޑިއާ ސިފައިން ގާއިމްވެ އެބަ ތިބި ކަމަށާއި، މިލިޓަރީ ޔުނީފޯމް އެއްވެސް ބަޔަކު ނުތިބޭނެ ކަމަށް މިސަރުކާރުން ބުނާބުނުމަކީ މިލިޓަރީ ނެތުން ނޫން ކަމަށެވެ. މީގެ އިތުރުން ރައީސް މުއިއްޒު ވިދާޅުވާ ވާހަކަތަކުން ސީދާވަނީ ކިތައްވާހަކަތަކާމެދު ވެސް ޔާމީން ވަނީ ސުވާލު އުފައްދަވާފައެވެ.
ރާއްޖޭގައި އޮތް އިންޑިއާގެ ހެލިކަޕްޓަރާއި ގުޅޭގޮތުން ޔާމީން ވިދާޅުވީ އެމިނިކުފާނުގެ ޒައާމަތުގައި އެ ހެލްކޮޕްޓަރު ފޮނުވާލުމުގެ މަސައްކަތް ފަށާފައިވާ ކަމަށާއި، އެކަމާ ގުޅޭގޮތުން ރައީސް އޮފީހުން ދެތިން ހަތަރު ސިޓީ ޑިފެންސް މިނިސްޓްރީއަށް ފޮނުވާފައިވާ ކަމަށެވެ.
އިންޑިއާ އިން ރާއްޖެ އަށް ހަދިޔާ ކޮށްފައިވާ ޑޯނިއާ މަތިންދާބޯޓާއި ދެ ހެލިކޮޕްޓަރެވެ.
ރާއްޖޭގެ އަސްކަރިއްޔާގައި ޑޯނިއަރ އަދި ހެލިކަޕްޓަރު ދުއްވޭ ފެންވަރުގެ ގާބިލު ސިފައިންނެއް ނެތް ކަމަށް ސަރުކާރުން ވަނީ ބުނެފައެވެ. އަދި އިންޑިއާގެ ސިފައިންގެ ބަދަލުގައި އެކަން މިހާރު ކުރަމުންދަނީ މަދަނީންކަމަށް ސަރުކާރުން މައުލޫމާތު ދެއެވެ.
