މާލޭ ވިޔަފާރި ބަނދަރުގައި ހިލޭ ކޮންޓޭރަނު ބެހެއްޓޭ މުއްދަތު އެމްޕީއެލް އިން ކުރުކޮށްފި
ޑްރައި ކޮންޓެއިނަރުތައް ހިލޭ ބެހެއްޓޭނެ މުއްދަތު 7 ދުވަހަށް ކުޑަކުރުމަށް ވަނީ ނިންމާފައި
މާލޭ ވިޔަފާރި ބަނދަރު
މާލޭ ކޮމާޝަލް ބަނދަރުގައި ކޮންޓެއިނަރުތައް ހިލޭ ބެހެއްޓޭނެ މުއްދަތު ކުރުކުރުމަށް ނިންމާފައިވާ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ މުޙައްމަދު ވަޖީހު އިބްރާހީމް ވިދާޅުވެއްޖެއެވެ. އޭނާ ވިދާޅުވީ، މުއްދަތު ކުރުކުރަން ނިންމީ ބަނދަރުގައި ޖާގައިގެ ތާށިކަން ހުރުމާއެކު މުދާ ތޮއްޖެހުން ކުޑަކުރުމަށް އަޅާ ފިޔަވަޅެއްގެ ގޮތުގައި ކަމަށެވެ.
ވިޔަފާރިތަކަށް ކުރިން ސަރުކާރުން ދީފައި އޮތް ލުއި ކުޑަކުރުމުގެ ސިޔާސަތު ވަޖީހު ހާމަ ކުރެއްވީ، ދުނިޔޭގެ އެންމެ ބޮޑު ޝިޕިންގ ލައިން ކަމުގައިވާ އެމްއެސްސީ އިން އޮޕަރޭޓްކުރާ އެމްއެސްސީ މަނާސާ އެފް އާގު ބޯޓު މާލެއަށް އައުން ފާހަގަ ކުރަން ބުދަ ދުވަހު ބޭއްވި ރަސްމިއްޔާތުގައެވެ.
ވަޖީހު ފާހަގަކުރެއްވި ގޮތުގައި މިހާރު ބަނދަރުގައި އެއްފަހަރާ 2،200 ކޮންޓެއިނަރު ބެހެއްޓޭނެ ޖާގަ އެބަހުއްޓެވެ. އަދި ވަސީލަތްތައް މަދުވުމާއެކު، ލިބެންހުރި ޖާގަ އެންމެ ފުރިހަމައަށް ބޭނުންކުރަން ޖެހިފައިވާކަމަށް އޭނާ ވިދާޅުވިއެވެ.
މި މައްސަލަ ހައްލުކުރުމަށްޓަކައި، ވަޖީހު ވިދާޅުވީ، ޑްރައި ކޮންޓެއިނަރުތައް ހިލޭ ބެހެއްޓޭނެ މުއްދަތު 7 ދުވަހަށް ކުޑަކުރުމަށް ވަނީ ނިންމާފައެވެ. އަދި އެހެނިހެން ކޮންޓެއިނަރުތައް ބެހެއްޓޭނެ މުއްދަތު 5 ދުވަހަށް ކުޑަކުރެވޭނެ ކަމަށް އޭނާ ވިދާޅުވިއެވެ. ސަރުކާރުން މި ބަދަލު ގެނައުމުގެ ކުރިން ހުރިހާ ބާވަތެއްގެ ކޮންޓެއިނަރުތައްވެސް 10 ދުވަހުގެ މުއްދަތަށް ބަނދަރުގައި ހިލޭ ބެހެއްޓެއެވެ.
