ބައްސާމުގެ ދެ އެޕާޓްމަންޓް ފުލުހުުންނާ ހަވާލުކުރަން އަމުރު ކޮށްފި
4 އޮކްޓޯބަރު 2024 | ހުކުރު 06:04ހުޅުމާލޭ އަމީން އެވެނިއުގެ 2 އެޕާޓްމަންޓު މިހިނގާ އޮކްޓޯބަރު މަހުގެ 6 ވަނަ ދުވަހުގެ ކުރިން ފުލުހުންނާ ޙަވާލު ކުރަންޖެހޭ
އެފްއޭއެމްގެ ރައީސް ބައްސާމް އަދީލް ޖަލީލް
އެފްއޭއެމްގެ ހިޔާނާތުގެ މައްސަލައިގައި ތުހުމަތު ކުރެވޭ ބައްސާމް އަދީލް ޖަލީލް (ގ ފަހިވާގެ މާލެ) ގެ އެޕާޓްމަންޓު ފުލުހުންނާ ހަވާލު ކުރުމަށް އަމުރުކޮށްފިއެވެ.
ދިވެހި ފުލުހުންގެ ޚިދުމަތުން ބުނީ، އެފްއޭއެމްގެ ހިޔާނާތުގެ މައްސަލައިގައި ތުހުމަތު ކުރެވޭ ބައްސާމްގެ މިލްކިއްޔާތުގައިވާ ހުޅުމާލޭ އަމީން އެވެނިއުގެ 2 އެޕާޓްމަންޓު މިހިނގާ އޮކްޓޯބަރު މަހުގެ 6 ވަނަ ދުވަހުގެ ކުރިން ފުލުހުންނާ ޙަވާލު ކުރުމަށް ކޯޓުން އަމުރުކޮށްފައިވާ ކަމަށެވެ.
ކޯޓުން އެގޮތަށް އަމުރުކޮށްފައިވަނީ ސެޕްޓެމްބަރު މަހުގެ 28 ވަނަ ދުވަހު ކަމަށްވެސް ފުލުހުން މައުލޫމާތު ދެއެވެ.
ފުލުހުން ބުނީ، އެ ދެ އެޕާޓްމަންޓު ފުލުހުންގެ ބެލުމުގެ ދަށަށް ގެނައުމަށްޓަކައި ކުރަންޖެހޭ މަސައްކަތްތައް ފުލުހުން ކުރަމުންދާ ކަމަށެވެ.
އެފްއޭއެމަށް ބޭރުގެ އެކި އިދާރާތަކުން ލިބިފައިވާ ފައިސާ އަށް ޚިޔާނާތްތެރިވެ، މަނީ ލޯންޑަރިން ހިންގާފައިވާ ކަމަށް ތުހުމަތު ކުރެވޭ ބައްސާމް ސަސްޕެންޑު ކުރުމަށް ފީފާ އިންވެސް ވަނީ ނިންމާފައެވެ. އެގޮތުން އޭނާ ސަސްޕެންޑް ކުރީ ނުވަ މަސް ދުވަހުގެ މުއްދަތަކަށެވެ. ފީފާ އިން ބައްސާމް ސަސްޕެންޑު ކޮށްފައިވާއިރު، އޭނާއާ ދެކޮޅަށް ދައުވާ އުފުލުގައި، އެ މައްސަލައިގެ ޝަރީއަތް ވެސް ވަނީ ފަށައިފަ އެވެ.
މި މައްސަލައިގައި މިހާރު ތަޙްޤީޤު ކުރިއަށް ދިޔަ ހިސާބުން 2 ދަޢުވާއެއް ބައްސާމް އަދީލް ޖަލީލްގެ މައްޗަށް ކްރިމިނަލް ކޯޓަށް ހުށަހަޅާފައިވެއެވެ. އެއީ ހިޔާނަތްތެރިވުމުގެ ކުށުގެ ދައުވާއާއި، މަނީ ލޯންޑަރިންގ ގެ ދައުވާއެވެ. ޕީޖީ އޮފީހުން ވަނީ ލޯންޑަރކުރުމަށް ބޭނުންކޮށްފައިވާ 10،000.00 (ދިހަހާސް އެމެރިކާ ޑޮލަރު) ދައުލަތަށް ނަގައިދިނުމަށްވެސް އެދިފައެވެ.
