ޕީއެސްއެމްގެ އައު އެމްޑީ އަކަށް ސައީދު
25 އޯގަސްޓު 2024 | އާދީއްތަ 01:12އޭނާ މި މަޤާމަށް އައްޔަނުކޮށްފައި މިވަނީ ޕީއެސްއެމްގެ ކުރީގެ އެމްޑީ ޒީނާ ޒާހިރު، އެ މަގާމުން އިސްތިއުފާދެއްވުމާ ގުޅިގެން
ޕީއެސްއެމްގެ އައު އެމްޑީ
ޕަބްލިކް ސާވިސް މީޑިއާ (ޕީއެސްއެމް) ގެ އައު މެނޭޖިން ޑިރެކްޓަރުގެ މަގާމަށް މުޙައްމަދު ސައީދު އައްޔަންކޮށްފިއެވެ.
އޭނާ މި މަޤާމަށް އައްޔަނުކޮށްފައި މިވަނީ ޕީއެސްއެމްގެ ކުރީގެ އެމްޑީ ޒީނާ ޒާހިރު، ކުއްލި ގޮތަކަށް ހޮނިހިރު ދުވަހު އިސްތިއުފާދެއްވުމާ ގުޅިގެންނެވެ.
މުޙައްމަދު ސައީދަކީ އިނގިރޭސިވިލާތުގެ ޔުނިވަރސިޓީ އޮފް ބޯލްޓަންއިން ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓަރސް ޑިގްރީ ހާސިލްކުރައްވާފައިވާ ފަރާތެކެވެ. އަދި މީޑިއާގެ ދާއިރާއިންވެސް އޭނާ ތައުލީމު ހާސިލްކޮށްފައިވެއެވެ.
މީގެ ކުރިން މުޙައްމަދު ސައީދު ވަނީ، އެޑިއުކޭޝަން މިނިސްޓްރީގެ ޕަރމަނަންޓް ސެކްޓްރީކަމާއި ޑިރެކްޓަރ ޖެނެރަލްގެ މަޤާމުގެ އިތުރުން ތައުލީމީ ދާއިރާގެ އެކިއެކި މަޤާމުތައް ފުރުއްވާފައެވެ.
