94 މެޗަށް ފަހު ސޯމާ ގައުމީ އަންގި ބާލައިފި
އުމުރުން މިހާރު 35 އަހަރުގެ ކީޕަރު ކުޅުން ހުއްޓާލުމާ ބެހޭ ގޮތުން ބުނީ މިއީ ވަރަށް ވިސްނުންތެރިކަމާއެކު ނިންމި ނިންމުމެއް ކަމަށެވެ.
ޔާން ސޯމާ: ސްވިސް ޓީމުގެ ކުޅުންތެރިންނާއެކު
ގައުމީ ޓީމަށް 94 މެޗު ކުޅެދިނުމަށްފަހު ސްވިޒަލޭންޑްގެ ގޯލްކީޕަރު ޔާން ސޯމާ ގައުމީ ޓީމަށް ކުޅުން ހުއްޓާލައިފި އެވެ.
އުމުރުން މިހާރު 35 އަހަރުގެ ކީޕަރު ކުޅުން ހުއްޓާލުމާ ބެހޭ ގޮތުން ބުނީ މިއީ ވަރަށް ވިސްނުންތެރިކަމާއެކު ނިންމި ނިންމުމެއް ކަމަށެވެ.
ސޯމާ ގައުމީ ޓީމަށް އެންމެ ފުރަތަމަ ކުޅެން ފެށީ 2012 ވަނަ އަހަރު އެވެ. އޭގެ ފަހުން ސްވިޒަލޭންޑް ކުޅުނު ބޮޑު މުބާރާތްތައް ކަމަށްވާ ވޯލްޑްކަޕާއި ޔޫރޯގައި މުޅިން ވެސް ގައުމީ ޓީމުގެ އަންގި ލެއްވީ އޭނާ އެވެ.
ގައުމީ ޓީމަށް ކުޅުން ހުއްޓާލި ނަމަވެސް އޭނާ ކުލަބު ފެންވަރުގައި ކުޅޭނެ އެވެ. ސޯމާ މިހާރު ކުޅެމުންދަނީ އިޓަލީގެ އިންޓަމިލާނަށެވެ. ހުސްވި ސީޒަނުގައި އިންޓަމިލާނަށް ބަދަލުވުމުގެ ކުރިން އޭނާ ވަނީ ޖަރުމަނުގެ ބަޔާން މިއުނިކާއި ބޮރޫޝިއާ މޮންޗެންގްލަޑްބަޗަށް ވެސް ކުޅެފަ އެވެ.
