ދިވެހި ލެންގުއޭޖް މިނިސްޓްރީއަށް ކޮންސަލްޓަންޓެއް ހޯދަނީ، މުސާރަ 30،000 ރުފިޔާ
18 އޯގަސްޓު 2024 | އާދީއްތަ 07:42މި މަސައްކަތަށް ބީލަން ހުށަހެޅުން އޮންނާނީ 25 އޮގަސްޓު 2024 ގައި
ދިވެހިބަހާއި ސަގާފަތާއި ތަރިކައާ ބެހޭ ވުޒާރާ (ޤައުމީ ދާރުލްއާސާރު ބިލްޑިންގ)
މިނިސްޓްރީ އޮފް ދިވެހި ލެންގުއޭޖް، ކަލްޗަރ އެންޑް ހެރިޓޭޖަށް ކޮންސަލްޓަންޓެއް ހޯދުމަށް އިއުލާނު ކޮށްފިއެވެ.
އާދިއްތަ ދުވަހު މިނިސްޓްރީން ކުރި އިއުލާނެއްގައި ބުނީ، އެ ވުޒާރާއަށް ކޮންޓެންޓް ޑިވެލޮޕަރއެއްގެ ކޮންސެލްޓެންސީ ޚިދުމަތް، 1 އަހަރު ދުވަހުގެ މުއްދަތަށް ފޯރުކޮށްދޭނެ ފަރާތެއް ހޯދުމަށް ބޭނުންވާ ކަމަށެވެ.
ކޮންސެލްޓެންސީ ޚިދުމަތުގެ ޓީއޯއާރު އިއުލާނުގައި ހިމަނާފައިވާއިރު، އޭގައި ބަޔާންކޮށްފައިވާ ގޮތުގައި ކޮންސަލްޓަންޓުގެ އުޖޫރައަކީ މަހަކު 30،000 ރުފިޔާއެވެ.
މިނިސްޓްރީން މައުލޫމާތު ދޭ ގޮތުގައި ކޮންޓެންޓް ޑިވެލޮޕަރއެއްގެ މަޤާމަށް މީހަކު ހޯދަނީ ޤައުމީ އެކިއެކި މުނާސަބަތުތަކަށް ކޮންޓެންޓު އުފައްދައި، ފީޗަރ ފިލްމުތައް ޑައިރެކްޓްކޮށް، އިޝްތިހާރާއި، ކުރު ފިލުމު ފަދަ އުފެއްދުންތައް ތައްޔާރު ކުރުމަށެވެ.
މި މަސައްކަތުގެ ޝަރުތުތަކުގެ ގޮތުގައި ހިމަނާފައިވަނީ އިވެންޓު މެނޭޖް ކުރުމާއި، ކޮންޓެންޑް ޑިވޮލޮޕަރުގެ މަސައްކަތް ނުވަތަ އެއާ ގުޅުން ހުރި ދާއިރާއަކުން 10 އަހަރު ދުވަހުގެ ތަޖުރިބާ ލިބިފައިވުމެވެ.
މިނިސްޓްރީން މައުލޫމާތު ދޭ ގޮތުގައި މި މަސައްކަތަށް ބީލަން ހުށަހެޅުން އޮންނާނީ 25 އޮގަސްޓު 2024 ވާ އާދިއްތަ ދުވަހު ދިވެހިބަހާއި ސަގާފަތާއި ތަރިކައާ ބެހޭ ވުޒާރާ (ޤައުމީ ދާރުލްއާސާރު ބިލްޑިންގ) ގައެވެ.
