ޑްރޯން އެރުވި މައްސަލާގައި ކެނެޑާ އަތުން 6 ޕޮއިންޓް އުނިކޮށް، ކޯޗު އެއް އަހަރަށް ސަސްޕެންޑް
28 ޖުލައި 2024 | އާދީއްތަ 05:51ކޯޗު ސަސްޕެންޑް ކުރީ 1 އަހަރަށެވެ.
ކެނަޑާ ޓީމްގެ ޕެރްކެޓިސްގެ ތެރެއިން: ފޮޓޯ-އޭޕީ
ޑްރޯން އެރުވި މައްސަލާގައި ކެނެޑާ އަތުން 6 ޕޮއިންޓް އުނިކޮށް، ކޯޗު އެއް އަހަރަށް ސަސްޕެންޑް ކޮށްފިއެވެ.
ތަހުގީގަށްފަހު މިފިޔަވަޅުތައް އެޅީ ފީފާއިންނެވެ. އޮލިމްޕިކްސްގައި ވާދަކުރާ ކެނެޑާ އަންހެން ފުޓްބޯޅަ ޓީމްގެ ކޯޗު ބެވާލީ ޕްރިއެސްޓްމެން ފީފާއިން ސަސްޕެންޑް ކުރުމުގެ ކުރިން ކެނެޑާ ފުޓްބޯޅަ ފެޑެރޭޝަނުން އޭނާ ވަނީ ސަސްޕެންޑް ކޮށްފައެވެ. މުބާރާތުގައި ނިއުޒީލެންޑް އަތުން 2-1 ން މޮޅުވީ ކޯޗު ސަސްޕެންޑްކޮށް, ވަގުތީ ކޯޗުގެ ބެލުމުގެ ދަށުން ކުޅެއެވެ. ކެނަޑާއިން ޑްރޯން އަރުވައިގެން ބެލީ ނިއުޒީލެންޑްގެ ޕްރެކްޓިސް އެވެ. އެކަން ކުރީ ކެނަޑާ ޓީމްގެ ސަޕޯޓިންގ އޮފިޝަލެކެވެ. ފީފާގެ ތަހުގީގަށްފަހު ނިންމީ އެކަން ކޯޗަށް އިނގޭނެ ކަމަށެވެ. އެހެންކަމުން ފީފާގެ ނިންމުމަކީ އެކަމުގެ ޒިންމާ ކޯޗު އުފުލަން ޖެހޭނެ ކަމަށެވެ. ކޯޗުގެ އިތުރުން ދެ އޮފިޝަލަކުވެސް އެއް އަހަރަށް ސަސްޕެންޑް ކުރިއެވެ. އަދަބު އެޕީލް ކުރުމުގެ ފުރުޞަތު ކެނަޑާ ފެޑެރޭޝަނަށް އޮތް ނަމަވެސް އެކަމުގައި އަދި ގޮތެއް ނުނިންމައެވެ.
ގްރޫޕް ސްޓޭޖްގައި ކެނަޑާއަށް ދެން އޮތީ ފްރާންސްގެ އިތުރުން ކޮލަމްބިޔާއާ ވާދަކުރާ މެޗެވެ. ދެ މެޗުން މޮޅުވެގެންވެސް ގްރޫޕް ސްޓޭޖްގައި ހޯދޭނީ 3 ޕޮއިންޓެވެ. ކެނަޑާއަކީ އެންމެ ފަހުގެ ޗެމްޕިއަން ޓީމެވެ.
