އޮލިމްޕިކްސް ގައި ރެފްރީއާ ވާހަކަ ދެއްކޭނީ ހަމައެކަނި ކެޕްޓަނަށް!
25 ޖުލައި 2024 | ބުރާސްފަތި 05:06ޔޫރޯގައިވެސް އަމަލުކުރީ އެއުސޫލުންނެވެ.
ފީފާގެ ރައީސް ޖިއާނީ އިންފަންޓީނޯ: އައު ދައުރަކަށް އިންތިހާބު ކުރާނެ
އޮލިމްޕިކްސް ގައި ރެފްރީއާ ވާހަކަ ދެއްކޭނީ ހަމައެކަނި ޓީމް ކެޕްޓަނަށް ކަމަށް ފީފާއިން ބުނެފިއެވެ.
ރަސްމީކޮށް އޮލިމްޕިކްސް ފެށުމުގެ ކުރިން ފުޓްބޯޅަ އިވެންޓް ވަނީ ފަށާފައެވެ. ފްރާންސްގެ ޕެރިހުގައި ކުރިއަށްދާ އޮލިމްޕިކްސްގެ ފުޓްބޯޅަ މެޗުތަކުގައި ރެފްރީގެ ނިންމުމަކާ މެދު ރެފްރީއާ ވާހަކަ ދެއްކޭނީވެސް, މަޝްވަރާއެއް ކުރެވޭނީވެސް ހަމައެކަނި ޓީމް ކެޕްޓަނަށް ކަމަށް ފީފާއިން ވަނީ ކަނޑައަޅާފައެވެ. ނިމިގެން ދިޔަ ޔޫރޯގައި ޔުއެފާއިން ވެސް އަމަލުކުރީ އެގަވާއިދަށެވެ. އަދި ޔުއެފާގެ އެހެން މުބާރާތްތަކުގައި ވެސް އެގަވާއިދަށް އަމަލުކުރަން ވަނީ ނިންމާފައެވެ.
ފީފާގެ މުބާރާތްތަކުގައި ވެސް ވިސްނުމަކީ އެއުސޫލުން އަމަލު ކުރުމެވެ. ފީފާގެ ރައީސް އިންފަންޓީނޯ ވިދާޅުވީ ރެފްރީއާ ނުލާ ފުޓްބޯޅައެއް ނޯންނާނެ ކަމަށެވެ. އެހެންކަމުން ރެފްރީއަށް ދޭންޖެހޭ އިހުތިރާމާއި, ހިމާޔަތް ލިބޭކަން ކަށަވަރުކުރަން ޖެހޭކަމަށް އިންފަންޓީނޯ ވިދާޅުވިއެވެ. އެއީ ފުޓްބޯޅައިގެ ކުރިމަގަށް ކޮންމެހެން ކުރަންޖެހޭ ކަމެއް ކަމަށް އޭނާ ވިދާޅުވިއެވެ.
