އާދީއްތަ ދުވަހުގެ ރޭ ޔޫރޯ ފުޓްބޯޅަ މުބާރާތުގެ ފައިނަލްގައި ކުޅޭނީ ސްޕޭނާއި އިނގިރޭސިވިލާތެވެ. މި ދެ ގައުމު އަތުން ސެމީ ފައިނަލުގައި ބަލިވި ދެ ގައުމު ދާނީ ސީދާ އެނބުރި އެމީހުންގެ ގައުމަށެވެ. އެއީ ކީއްވެ ހެއްޔެވެ؟ ތިން ވަނަ ހޮވާ މެޗު ނުކުޅެނީ ހެއްޔެވެ؟
ދުނިޔޭގެ އެންމެ ބޮޑު ފުޓްބޯޅަ މުބާރާތަކީ ވޯލްޑްކަޕެވެ. އެ މުބާރާތުގައި ވެސް ސެމީ ފައިނަލުން ބަލިވޭ ދެ ޓީމުގެ މެދުގައި ތިން ވަނަ ހޯވާ މެޗު ކުޅެ އެވެ. މޮޅުވާ ޓީމަކަށް ތިން ވަނަ ޓީމަށް ދޭ މެޑެއްޔާއި އިނާމް ދެ އެވެ. ޔޫރޯގައި އެކަން ނުކުރަނީ ކީއްވެ ހެއްޔެވެ.؟
މިކަމާ ބެހޭ ގޮތުން ޔޫރަޕުގެ ފުޓްބޯޅަ ޖަމިއްޔާ ޔޫއޭފާއިން ބުނީ ޔޫރޯގެ އެހެން މުބާރާތްތަކާއި މި ފަހަރުގެ މުބާރާތުގައި ވެސް ތަފާތެއް ނުވާނެ ކަމަށެވެ.
ޔޫއޭފާއިން ޔޫރޯގެ މެޗު ތާވަލުން ތިން ވަނަ ހޮވާ މެޗު ނެގީ 1984 ވަނަ އަހަރު އެވެ.
(ތިން ވަނަ ހޮވާ) މި މެޗު ފާހަގަވެފައިވަނީ އެހާ އެޓްރެކްޓިވް މެޗެއްނޫން. ދެން 1984ގެ ފަހުން ޔޫރޯގެ ތާވަލުގެ ބައެއްވެސްނޫން. މި މެޗު އަލުން ތައާރަފް ކުރުމުގެ ވިސްނުމެއްނެތްޔޫއޭފާގެ ބަޔާން
ތިން ވަނަ ހޮވާ މެޗު އެންމެ ފަހުން ކުޅުނީ 1980 ވަނަ އަހަރު އެވެ. ޖަރުމަނުވިލާތް ތަށި ގެންދިޔަ އެ މުބާރާތުގެ ތިން ވަނަ ހޮވަން ކުޅުނު މެޗުގައި ޗެކްސްލޮވާކިޔާ ޕެނަލްޓީ ޖަހައިގެން މޮޅުވީ އިޓަލީއާ ބައްދަލުކޮށެވެ.
