ނިހާންގެ މައްޗަށް ކުރާ ހުރިހާ ދައުވާ އެއް އަނބުރާ ގެންނަން ނިންމައިފި

ރައްޔިތުންގެ މަޖިލީހުގެ ބިއުރޯ ޗީފް ކަމުގެ މަގާމަށް ހުސްވި ހަފްތާގައި ހަމަޖެއްސި އަހްމަދު ނިހާން ހުސެއިން މަނިކުގެ މައްޗަށް އުފުލާފައިވާ ކުށުގެ ބޮޑެތި ދައުވާތައް އަނބުރާ ގެންނަން ޕްރޮސެކިއުޓަރ ޖެނެރަލް (ޕީޖީ) ނިންމައިފި ކަމަށް މައުލޫމާތު ލިބިއްޖެއެވެ.

މައްސަލަތައް އަނބުރާ ގެންނަން ނިންމި ކަން ރާއްޖެއެމްވީ އަށް ޕީޖީ ވަނީ ކަށަވަރު ކޮށްދެއްވާފައެވެ.

ނިހާނުގެ މައްޗަށް ކޮށްފައިވާ ދައުވާތައް އަނބުރާ ނަގަން ނިންމި އިރު، އޭނާގެ މައްޗަށް އުފުލާފައިވާ ދައުވާ ތަކުގެ ތެރޭގައި ރިޝްވަތު ހިފުމާއި، ރިޝްވަތު ލިބިގަތުމާއި، އަދި މަނީ ލޯންޑްރިންގެ ފަދަ ސީރިއަސް މައްސަލަތައް ހިމެނެއެވެ.

ނިހާންގެ މައްޗަށް ކުރި ތުހުމަތު ތަކުގެ ތެރޭގައި ރައްޔިތުންގެ މަޖިލިސް މެމްބަރެއްގެ މަގާމުގައި ހުރެގެން ނާޖާއިޒް ގޮތުން ގިނަ އަދަދެއްގެ ފައިސާ އާއި އަގުބޮޑު ގަޑި އާއި މުދާ ހޯދުން ހިމެނެއެވެ.

މީގެ އިތުރުން ނިހާންގެ މައްޗަށް ކުރެވިފައިވާ ތުހުމަތު ތަކުގެ ތެރޭގައި މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް (އެމްއެމްޕީއާރުސީ) އިން ނުހައްގުން ހޯދި 150،000 (ދޮޅު ލައްކަ) ޑޮލަރު ބޭނުން ކޮށްގެން ޕްލެޓިނަމް ރެޒިޑެންސުން އެޕާޓްމެންޓެއް ގަތުން ވެސް ހިމެނެއެވެ.

ކޯޓުގައި ހުރި ނިހާނުގެ މައްސަލަތައް އަނބުރާ ނަގަން ނިންމި އިރު ނިހާން ކުށް ކޮށްގެން ހޯދި ކަމަށް ބެލޭ މުދާތައް ދައުލަތައް ނެގުމަށް ކޯޓުގައި އޭރު އެދުނެވެ.

ހުސްވި ހަފްތާގައި ރައްޔިތުންގެ މަޖިލީހުގެ ބިއުރޯ ޗީފްކަން ދެއްވީ ރައްޔިތުންގެ މަޖިލީހުގެ ރައީސް އަބްދުއްރަހީމެވެ. އަބްދުއްރަހީމްގެ ބިއުރޯ ޗީފްގެ މަގާމުގައި ނިހާނު ހުންނަވާއިރު، އަބްދުއްރަހީމް ރައްޔިތުންގެ މަޖިލީހުގެ ރައީސްގެ ހައިސިއްޔަތުން ޝަރުއީ ދާއިރާ ރެގިއުލޭޓް ކުރާ މުއައްސަސާ ޖޫޑިޝަލް ސާވިސް ކޮމިޝަން (ޖޭއެސްސީ) ގައި ވެސް އިންނަވާނެއެވެ.