ރާއްޖޭގައި ގާއިމްކުރާ ސެންޓްރަލް ޖަލަކީ ރިހެބިލިޓޭޝަން ސެންޓަރެއް: މިނިސްޓަރު އިހުސާން

ދިވެހިރާއްޖޭގައި ގާއިމްކުރާ ސެންޓްރަލް ޖަލަކީ ރިހެބިލިޓޭޓް ސެންޓަރެއް ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެއެވެ.

އެންމެފަހުން ބޭއްވި އަހާ ޕްރޮގްރާމްގައި މިނިސްޓަރު އިހުސާން ވިދާޅުވީ ޖަލުތަކަށް ޖާގައިގެ ދަތިކަން ވަރަށް ބޮޑަށް ކުރިމަތިވެފައިވާ ކަމަށެވެ. ބޮޑެތި ކުށްތައް ކުރާ މީހުންނާއި، ބޮޑެތި އެހެނިހެން ކުދި ކުށްތައް ކުރާމީހުން ވަކިކުރެވޭ އެންމެ ބޮޑަށް ވަކި ކޮށްފައިވާ ކަމަށް މިނިސްޓަރު އިހުސާން ވިދާޅުވިއެވެ.

ރާއްޖޭގައި ސެންޓަރަލް އެއްޖަލު ވަކިން ގާއިމްކުރާނެކަން ފާހަގަކުރައްވައި މިނިސްޓަރު އިހުސާން ވިދާޅުވީ އެޖަލަކީ މީހުންނަށް އަދަބުދޭނެ ތަނެއް ނޫން ކަމަށާއި، އެއީ ރިހެބިލިޓޭޓް ކުރާ ސެންޓަރަކަށް ހަދާނެ ކަމަށެވެ.

އެގޮތުން ކެއްކުމާއި، ފެހުމާއި، ސާފުކުރުމާއި އަދި މެއިންޓަނަންސްގެ މަސައްކަތްތައް ގައިދީން ކުރާނެ ކަމަށް މިނިސްޓަރު އިހުސާން ވިދާޅުވިއެވެ. އަދި ވިދާޅުވީ މިމަސައްކަތުގައި ހަރަކާތްތެރިވާ މީހުންނަށް ކޮންމެވެސް ލެވަލްއެއްގެ ސެޓްފިކެޓެއް ލިބޭނެ ކަމަށެވެ.

މިނިސްޓަރު އިހުސާން ވިދާޅުވީ ޖަލުގައި މަސައްކަތް ކުރާ ރަނގަޅު ގައިދީންނަށް ރަނގަޅު ފުރުސަތުތައް ލިބޭނެ ކަމަށެވެ. ސެންޓަރަލް ޖަލު ގާއިމްކުރެވި، ޚިދުމަތް ދޭން ފެށުމުން ޖަލުގައި އުޅޭ މީހުންނަކީ އާއިލާއާ ގުޅުން އޮންނަ އާއިލާއާ މުޖުތަމައުއަށް ބޭނުންތެރި އުފެއްދުންތެރި އަދި މުޖުތަމައު އިހުތިރާމް ކުރާ ބަޔަކަށް ވާނެ ކަމަށް މިނިސްޓަރު އިހުސާން ވިދާޅުވިއެވެ.