އައްޑޫ ފުޓްބޯޅަ ޗެމްޕިއަންޝިޕްގައި މައިލޯ ސިޓީން 10 ލަނޑުން ފަށައިފި އެވެ.

ހޮނިހިރު ދުވަހު ހަވީރު އައްޑޫ ސިޓީ ފުޓްބޯޅަ ސްޓޭޑިއަމުގައި ފެށި މުބާރާތުގެ ފުރަތަމަ މެޗުގައި މައިލޯ ސިޓީ އަތުން 10-1 އިން ބަލިވީ މަރަދޫ އެފްސީ އެވެ. މީގެ ތެރެއިން ހަސަން ނަޒީމް (ޗޯޓު) ފަސް ގޯލު ޖެހި އެވެ.

ދެ ވަނަ މެޗުގައި ޔުނައިޓެޑް މައިލޯ ބަލިވީ ފަހި އެފްސީ އަތުން 5-3އިންނެވެ. ޝާމިން ދެ ލަނޑު ޖެހިއިރު އަނެއް ތިން ލަނޑު ޖެހީ ޝިފާޒާއި ހަނީފާއި ޔޫސުފެވެ.

ޖުމުލަ ފަސް ޓީމު ކުޅޭ މުބާރާތުގެ ފައިނަލަށްދާނީ ލީގު އުސޫލުން އެއްބުރު ކުޅެ ނިމޭއިރު އެންމެ ގިނަ ޕޮއިންޓް ހޯދާ ދެ ޓީމެވެ.

އައްޑޫ ސިޓީ ކައުންސިލުން ބާއްވާ މުބާރާތް ހުޅުވުމަށް މި އަހަރު ވެސް ކުލަގަދަ ރަސްމިއްޔާތެއް ވަނީ ބާއްވައިފަ އެވެ.

އައްޑޫ ސިޓީ އަކީ ރާއްޖޭގެ ފުޓްބޯޅައިގެ ތާރީހުގައި މުހިންމު ބައިވެރިއެކެވެ. ދެ ފަހަރެއްގެ މަތީން ރާއްޖޭގެ ގައުމީ ފުޓްބޯޅަ މުބާރާތް ވެސް އައްޑޫގައި ވަނީ ބާއްވައިފަ އެވެ.