އިގްތިސާދީ ގޮތުން އަންހެނުން ބާރުވެރިކުރުވުމަށް ގިނަ ގޮންޖެހުންތައް އެބަހުރި: މިނިސްޓްރީ
ކުރިއާ އަޅާބަލާއިރު، މިހާރު އިގްތިސާދީ، ސިޔާސީ ދާއިރާއަށް އަންހެނުން ނުކުންނަ މިންވަރު އިތުރު
ރާއްޖެޓީވީގެ ފަލަސުރުހީ ޕްރޮގްރާމްގައި ސީނިއަރ ސޯޝަލް އޮފިސަރު އައިޝަތު އަފާ ވާހަކަދައްކަވަނީ
އިގްތިސާދީ ގޮތުން އަންހެނުން ބާރުވެރިކުރުވުމަށް އަދިވެސް ގިނަ ގޮންޖެހުންތައް އެބަހުރި ކަމަށާއި، މިހާރު ކުރަމުންދާ މަސައްކަތުން މުސްތަގުބަލުގައި ހެޔޮ އަސަރު ފެންނާނެ ކަމަށް އުންމީދުކުރާ ކަމަށް މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓުން ބުނެފިއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ސީނިއަރ ސޯޝަލް އޮފިސަރު އައިޝަތު އަފާ ވިދާޅުވީ އަންހެނުން ބާރުވެރިކުރުވުމަށް މިނިސްޓްރީގެ އިސްނެގުމުގެ ދަށުން ގިނަ މަސައްކަތްތައް ކުރަމުންދާ ކަމަށާއި، އެމަސައްކަތްތަކުގެ ޕޮޒިޓިވް ނަތީޖާ ފެންނަމުންދާ ކަމަށެވެ.
އެއީ ކުރިއާ އަޅާބަލާއިރު، މިހާރު އިގްތިސާދީ، ސިޔާސީ ދާއިރާއަށް އަންހެނުން ނުކުންނަ މިންވަރު އިތުރު ކަމަށް އަފާ ވިދާޅުވިއެވެ. އަދި ލީޑަރޝިޕްގައި އަންހެނުން ހަރަކާތްތެރިވާ މިންވަރު އިތުރުކަން އޭނާ ފާހަގަކުރެއްވިއެވެ.
މީގެ އިތުރުން އަފާ ވިދާޅުވީ އަންހެނުން އެކި ދާއިރާތަކަށް ނުކުންނަ މިންވަރު އިތުރުވެ، މަސައްކަތް ކުރަމުންދާއިރު އަދިވެސް އަންހެނަކަށްވީތީ ވަރަށް ގިނަ ގޮންޖެހުންތަކާއި ކުރިމަތިލާންޖެހޭ ކަމަށެވެ. ފުރުސަތުތައް ފަހިވެފައި އޮތްނަމަވެސް ފުރުސަތުގެ ބޭނުން ހިފައި ކުރިއަށް ދިއުމަށް ވަރަށް ދަތިތަކާއި ކުރިމަތިލާން ޖެހޭ ކަމަށާއި، މިކަންކަން ބަދަލުކުރަންޖެހޭ ކަމަށް ރަފާ ވިދާޅުވިއެވެ.
އަފާ ވިދާޅުވީ އަންހެނުން ބާރުވެރިކުރުވުމަށް ކުރާ މަސައްކަތުގައި މުޅި މުޖުތަމައު ގުޅިގެން މަސައްކަތް ކުރަންޖެހޭ ކަމަށެވެ.
އަފާ ވިދާޅުވީ މަސައްކަތް ކުރަނީ މިންތީގެ ހަމަހަމަކަން ގާއިމްކުރަން ކަމަށާއި، ހުރިހާ ދައިރާއެއްގައި ދެޖިންސްގެ ބައިވެރިވުން އޮންނަންޖެހޭ ކަމަށެވެ.
