މިދިޔަ ސަރުކާރުން ކޮންޓްރެކްޓަރުންނަށް ދައްކަންޖެހޭ ފައިސާގެ ތެރެއިން އައު ސަރުކާރު އައިއިރު ނުދައްކާ ހުރި ފައިސާއާ ގުޅޭގޮތުން ރައީސުލްޖުމްހޫރިއްޔާއާއި އިޤްތިސާދީ ވަޒީރު މުޙައްމަދު ސައީދު ތަފާތު ދެ އަދަދެއް ވިދާޅުވެއްޖެއެވެ.
ސަރުކާރުގެ 50 އަށް ވުރެ ގިނަ ކުންފުންޏާއި އެކި މިނިސްޓްރީތަކުން ކޮށްފައިވާ މަސައްކަތްތަކަށް ދޭން ޖެހޭ ފައިސާގެ ގޮތުގައި 9 ބިލިއަން ރުފިޔާ ހިމެނޭކަމަށް ރައީސް މުއިއްޒު މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ވިދާޅުވިއެވެ.
Advertisement
އެހެންނަމަވެސް މީގެ ކުރިން އިޤްތިސާދީ ވަޒީރު ވިދާޅުވެފައިވަނީ އެއަށްވުރެ ދެ ބިލިއަން ރުފިޔާ މަދު އަދަދެކެވެ. އެގޮތުން ސައީދު ވިދާޅުވެފައިވަނީ ރައީސް ޑރ. މުއިއްޒު ސަރުކާރާއި ހަވާލުވިއިރު ގާތްގަނޑަކަށް ހަތް ބިލިއަން ރުފިޔާގެ ނުދައްކާ ހުރި ބިލުތައް ހުރި ކަމަށެވެ.
