ގްރޫޕް ސްޓޭޖްގެ ފަހު މެޗުގައި ޓެންޓް ސްޕޯރޓްސް ކްލަބް ބަލިކޮށް, ގްރޫޕްގެ އެއްވަނަ ނިއުރޭޑިއަންޓް ހޯދައިފިއެވެ.
މެޗަށް ނިކުއިންއިރު ވެސް ދެވަނަ ޑިވިޝަންގެ ކްއާޓާ ފައިނަލްގެ ޖާގަ ޔަގީންވެފައި އޮތް ދެޓީމް ވާދަކުރި މެޗު ނިއުރޭޑިއަންޓުން ކާމިޔާބުކުރީ 3-1 ނެވެ. މެޗުގައި ނިއުރޭޑިއަންޓްގެ ތިން ލަނޑުވެސް ޖެހީ މިދިޔަ އަހަރު ވެސް ނިއުގައި މޮޅަށް ކުޅުނު ގާނާ ފޯވާޑް ކޯފީއެވެ. ކޯފީ ނިއުއަށް ލީޑް ނަގައިދިނީ މެޗު ފަށައިގެން ހަތަރު ވަނަ މިނިޓްގައެވެ. އެކަމަކު އޭގެ ދެމިނިޓް ފަހުން ކުރިން ވެލެންސިޔާއަށް ކުޅުނު އަހުމަދު ރިލްވާން ލަނޑު ޖަހައިގެން ޓެންޓުން ނަތީޖާ ހަމަހަމަ ކުރިއެވެ. ކޯފީ ދެވަނަ ފަހަރަށް ނިއުއަށް ކުރިހޯދައިދިނީ 16 ވަނަ މިނިޓްގައެވެ. އަދި ތިންވަނަ ލަނޑު ޖެހީ 84 ވަނަ މިނިޓްގައެވެ.
މިއީ ޓެންޓް ގްރޫޕް ސްޓޭޖްގައި ބަލިވި ހަމައެކަނި މެޗެވެ. ނިއުއިން ވަނީ ގްރޫޕް ސްޓޭޖްގައި ތިން މެޗުން މޮޅުވެ ނުވަ ޕޮއިންޓް ހޯދާފައެވެ. ފުރަތަމަ މެޗުން ތިން ޕޮއިންޓް ލިބުނީ ޓީނޭޖް މެޗަށް ހާޒިރު ނުވުމުން ނުކުޅެއެވެ. އެމެޗާއެކު ހަތަރު މެޗުން 12 ޕޮއިންޓް ހޯދިއެވެ.
