އެމްޑީޕީގެ ބައެއް މެމްބަރުންނާއި އިންޑިއާގެ އެމްބެސެޑަރ ބައްދަލުކުރެއްވިކަމަށް ދެކެވޭ ވާހަކަތައް އިންޑިއާ އެމްބަސީން ދޮގުކޮށްފި
30 ޑިސެމްބަރު 2023 | ހޮނިހިރު 03:25ރައީސް މުއިއްޒު އެކަމާއި މެދު އިތުރުފުޅުހެއްދެވުމުން އާއްމުންގެ ފާޑުކިޔުން ވަނީ ވަރަށް ބޮޑަށް އަމާޒުވެފަ
މަޖިލިސް ރައީސް އާއި އިންޑިއާގެ ސަފީރު ކުރިން ބައްދަލުކުރައްވަނީ
އެމްޑީޕީގެ ބައެއް މެމްބަރުންނާއި އިންޑިއާގެ އެމްބެސެޑަރ ބައްދަލުކުރެއްވިކަމަށް ދެކެވޭ ވާހަކަތައް ރާއްޖޭގައި ހުންނަ އިންޑިއާ އެމްބަސީން ދޮގުކޮށްފިއެވެ.
މިފަދަ ވާހަކަތަކެއް މީސްމީޑިއާގައި ދައުރުކުރަން ފަށާފައި ވަނީ ސަރުކާރަށް ތާއީދުކުރާ ފަރާތްތަކުންނެވެ. އެފަދަ ފަރާތްތަކުން ކުރަމުން ދިޔަ ޕޯސްޓްތަކުގައި އެމްޑީޕީގެ މެމްބަރުން ފެންނަ ކަމަށް ބުނާ ފޮޓޯއެއް ވެސް ހިއްސާކޮށްފައިވެއެވެ. މީގެ އިތުރުން ރައްޔިތުންގެ މަޖިލީހުގެ ރައީސް މުޙައްމަދު އަސްލަމް، ބުރާސްފަތި ދުވަހުގެ ރޭ އިންޑިޔާގެ ސަފީރާ ބައްދަލުކުރެއްވި ކަމަށް ރައީސް ޑރ.މުހައްމަދު މުއިއްޒު ވަނީ ތުހުމަތުކުރައްވާފައެވެ. ބައެއް މެމްބަރުންނާއި އިންޑިއާ އެމްބެސެޑަރ ބައްދަލުކުރެއްވި ކަމަށާއި އެ ބައްދަލުކުރެއްވުން އޮތީ އަމީން އެވެނިއުގައި ކަމަށް ވެސް ވިދާޅުވިއެވެ.
އެ މެމްބަރުންގެ ތެރޭގައި މަޖިލީހުގެ ރައީސް މުހައްމަދު އަސްލަމް ހިމެނޭކަމަށް ވެސް ރައީސް ވިދާޅުވިއެވެ. މަޖިލީހުގެ ރައީސް އަސްލަމް ވަނީ އެ ތުހުމަތުތައް ދޮގުކުރައްވާފައެވެ. މީގެ އިތުރުން ރާއްޖޭގައި ހުންނަ އިންޑިއާ އެމްބަސީން ވަނީ އެ ޚަބަރަކީ ދޮގު ޚަބަރެއްކަން ހާމަކުރުމަށް އެކްސްގައި ޕޯސްޓެއް ކޮށްފައެވެ. އިންޑިއާ ސަފީރާއި ބައްދަލުކުރި މެމްބަރުންކަމަށް ބުނި މެމްބަރުންގެ ތެރޭގައި ވިލިމާލެ ދާއިރާގެ މެމްބަރު އަލީނިޔާޒް، ހެންވޭރު ދެކުުނު ދާއިރާގެ މެމްބަރު ހުސައިން ޝަހީމް (އަނދުން ހުސައިން)ވެސް ހިމެނިވަޑައިގަންނަވައެވެ. ނަމަވެސް އެއީ ދޮގު ޚަބަރެއްކަން ވަނީ ހާމަވެފައެވެ.
ރައީސް މުއިއްޒު އެކަމާއި މެދު އިތުރުފުޅުހެއްދެވުމުން އާއްމުންގެ ފާޑުކިޔުން ވަނީ ވަރަށް ބޮޑަށް އަމާޒުވެފައެވެ. އެގޮތުން އެފަދަ ވާހަކަ އެއް ކަށަވަރު ނުކޮށް ރައީސަކު ވިދާޅުވެގެން ނުވާނެ ކަމަށް ވެސް ފާޑުކިޔާ ފަރާތްތަކުން ދަނީ ބުނަމުންނެވެ.
