އަންހެނުންގެ ކުޅިވަރުތަކުގެ ފައިދާ އެއް ބިލިއަން ޑޮލަރަށް
3 ޑިސެމްބަރު 2023 | އާދީއްތަ 06:57ފުޓްބޯޅައިން ލިބުނު އާމްދަނީ 555 މިލިއަނަށް އަރާނެ
ސްޕޭން ޓީމުގެ ބައެއް ކުޅުންތެރިން
ދުނިޔޭގެ އަންހެނުންގެ ކުޅިވަރުތަކުގެ ފައިދާ އެއް ބިލިއަން ޑޮލަރަށް އަރައިފި އެވެ.
މާލީ ކަންކަން ދިރާސާ ކުރާ ޑެލޮއިޓްއިން ބުނާ ގޮތުގައި އަންހެން ކުޅިވަރުތަކުގެ ފައިދާ މި އަހަރު ތިން ގުނަވެ، އެއް ބިލިއަން ހުރަސް ކުރި ނަމަވެސް އަދިވެސް އެންމެ ފައިސާ ލިބެނީ ދެކުނު އެމެރިކާއިންނެވެ. ހާއްސަކޮށް ދެކުނު އެމެރިކާގެ ފުޓްބޯޅައިގެ މަގުބޫލުކަން ބޮޑެވެ.
އަންހެނުންގެ ކުޅިވަރުތަކުގެ ތެރެއިން އެންމެ ގިނަ ފައިސާ ލިބެނީ ފުޓްބޯޅައިންނެވެ. މި އަހަރު ނިއުޒީލޭންޑާއި އޮސްޓްރޭލިޔާގައި ބޭއްވި ފީފާ ވޯލްޑްކަޕް ފުޓްބޯޅަ މުބާރާތާއެކު ފުޓްބޯޅައިން ލިބުނު އާމްދަނީ 555 މިލިއަނަށް އަރާނެ ކަމަށް ވެސް ވަނީ އަންދާޒާކޮށްފަ އެވެ. އަދި މި އަދަދު 2024ގައި އެއް ބިލިއަން ފަހަނައަޅައިދާނެ އެވެ.
ޑެލޮއިޓްއިން ލަފާކުރަނީ އަންހެން ފުޓްބޯޅަ ލީގުތަކުގެ ސަބަބުން ލިބޭ މާލީ ފައިދާ ވަރަށް ބޮޑަށް އިތުރުވަމުން އަންނަ ކަމަށެވެ. އަދި އިސްތިހާރުތަކަށްވުރެ ދަނޑަށް ވަންނަ މީހުން އަތުން ލިބޭ ފައިސާ އާއި ޓީވީ ރައިޓްސްއިން މިހާރު މާގިނަ ފައިސާ ލިބެން ފަށައިފި ކަމަށް ވެސް ޑެލޮއިޓްގެ ދިރާސާތަކުން ދައްކަ އެވެ.
