މުއިއްޒު އެދިވަޑައިގަތީ މަކުނުދޫ މައްސަލަ ތަހުގީގުކޮށް، މަސައްކަތުގެ ރައްކާތެރިކަން ކަށަވަރުކޮށްދޭން
ހދ. މަކުނުދޫގައި އެއްޗެއް ގޮވައި ދެ މީހުން މަރުވެފައިވޭ
އިންތިޚާބީ ރައީސް، ޑރ. މުއިއްޒު
ހދ. މަކުނުދޫގައި އެއްޗެއް ގޮވައި, ދެ މީހުން މަރުވުމާ ގުޅިގެން، އެ ކަން ހިނގައިދިޔަ ގޮތް ބަލައި، މަސައްކަތުގެ ރައްކާތެރިކަން ކަށަވަރުކޮށްދިނުމަށް އިންތިހާބީ ރައީސް ޑރ. މުހައްމަދު މުއިއްޒު އެދިވަޑައިގެންފިއެވެ.
މުއިއްޒު މިކަމަށް އެދިވަޑައިގަތީ، ހޮނިހިރު ދުވަހު ހދ. މަކުނުދޫގައި އެއްޗެއް ގޮވައި ދެ މީހުން މަރުވެފައިވާއިރު، މިދިޔަ ބުރާސްފަތި ދުވަހު ކުޅުދުއްފުށީ އެއާޕޯޓުގައިވެސް އެއްޗެއް ގޮވުމުގެ ސަބަބުން މީހަކަށް ސީރިއަސް އަނިޔާތަކެއް ލިބުމާ ގުޅިގެންނެވެ.
އެގޮތުން އެކަންކަމަށް އިޝާރާތް ކުރައްވައި އިންތިޚާބީ ރައީސްގެ އޮފީހުން ނެރުނު ބަޔާނެއްގައި ވަނީ، އެއީ ހިތާމަވެރި ކަމެއް ކަމަށާއި އެ ދެ ހާދިސާވެސް ހިނގި ގޮތް ތަހުގީގުކުރަން ޖެހޭނެ ކަމަށެވެ. އަދި އެފަދަ ހާދިސާތައް ތަކުރާރު ނުވާނެހެން ފިޔަވަޅު އެޅުމަށްވެސް ކަމާބެހޭ މުއައްސަަސާތަކަށް އެމަނިކުފާނު ގޮވާލެއްވިއެވެ.
މީގެ އިތުރުން، ނިޒާމީ ގޮތުން އެފަދަ ހާދިސާތަކަށް ހޯދަންޖެހޭ ހައްލު ހޯދުމަށް ރައްޔިތުންގެ މަޖިލީހަށް ހުށަހަޅާފައިވާއިރު، އެ ބިލު އަވަސްކޮށްދިނުމަށް ރައްޔިތުންގެ މަޖިލީހުގެ މެމްބަރުންގެ ކިބައިން އިންތިޚާބީ ރައީސް އެދިވަޑައިގެންފައިވެއެވެ.
