އާޒިމާގެ އެދިވަޑައިގަތުމަކަށް މިއަދުގެ އަޑުއެހުން ކެންސަލް
އަޑުއެހުން ކެންސަލްކޮށްފައިވަނީ އާޒިމާ އާލާސްކަންފުޅާ އުޅުއްވާކަމަށް ވިދާޅުވެ ކޯޓަށް ސިޓީ ހުށައަޅުއްވާފައިވާތީ
ރައީސް އޮފީހުގެ ކުރީގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރު
ރައީސް އޮފީހުގެ ކުރީގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރުގެ މައްޗަށް އުފުލާފައިވާ ރަސްމީ އިދާރާތަކަށް ދޮގު މައުލޫމާތު ދިނުމާއި، މަނީ ލޯންޑަރ ކުރުމަށް މަގުފަހިކޮށްދިނުމުގެ ދައުވާގެ އަޑުއެހުން ކެންސަލްވެއްޖެއެވެ.
މި އަޑުއެހުން ތާވަލުކޮށްފައިވަނީ އާދިއްތަ ދުވަހުގެ ހެނދުނު 09:00 އަށެވެ.
މި މައްސަލައިގައި އަޑުއެހުމެއް ނުބާއްވާތާ ގިނަ ދުވަސްތަކެއް ވަނީ ވެފައެވެ.
މި މައްސަލައިގައި އެންމެ ފަހުން އަޑުއެހުމެއް ބާއްވާފައިވަނީ 22 މެއި 2023 ގައެވެ. 4 ގަޑިއިރެއްހާއިރަށް ދިގު ދެމިގެންދިޔަ އެ އަޑުއެހުމުގައި ޝަރީއަތުގެ ކުރީގެ ހުށައެޅުންތައް ހުށައެޅުމުގެ ބައި އެއްކޮށް ނިންމައެއް ނުލެވުނެވެ.
