ރެކޯޑެއް، ޖޮކޮވިޗް 47 ވަނަ ފައިނަލަށް
ޖޮކޮވިޗް ބުނީ ސާބިއާއިން އައި މީހަކު ރެކޯޑްތަކެއް މުގުރާލި ވާހަކަ މީހުން ދެއްކުމުން އުފާވާ ކަމަށް
ޓެނިސް ލެޖެންޑް ޖޮކޮވިޗް
ގްރޭންޑް ސްލޭމް ޓެނިސް މުބާރާތުގެ ފައިނަލަށް ނޮވަކް ޖޮކޮވިޗް ރެކޯޑް އަދަދެއް ކަމަށްވާ 47 ވަނަ ފަހަރަށް ދަތުރުކޮށްފި އެވެ.
އޭނާ ފައިނަލަށް ދިޔައީ ސެމީ ފައިނަލުގައި ޓެއިލާ ފްރިޒް ސީދާ ތިން ސެޓުން ބަލިކޮށްގެންނެވެ. އެއީ ފުރަތަމަ ސެޓް 61 އިން އަދި ފަހު ދެ ސެޓް 6-4އިން ކާމިޔާބުކޮށްގެންނެވެ.
އޭނާ މި ފަހަރުގެ ފައިނަލަށް ދިޔައީ އެމެރިކާގެ މޫސުމުގެ މައްސަލަތަކާހުރެ ކުޅުން އެންމެ ފުރިހަމަނޫން ކަމަށް ބައެއް މީހުން ބުނަމުންދަނިކޮށެވެ.
ފައިނަލަށް ދެވުމުން ޖޮކޮވިޗް ބުނީ ކުޅިވަރުގެ ކާމިޔާބީ އަކީ އޭނާ އަށް ލިބޭ އެންމެ ބޮޑު އުފާ ކަމަށެވެ.
އޭނާ އަދި ބުނީ ރެކޯޑްތަކެއް މުގުރާލެވުމުގެ ވާހަކަ އިވުމުން އޭނާގެ ހިތަށް ތަފާތު އިހުސާސްތައް ވެރިވާ ކަމަށާއި ވަރަށް ގިނަ ކާމިޔާބީތަކާމެދު އޭނާ އުފާކުރާ ކަމަށެވެ.
