އއ. ބޮޑުފޮޅުދޫ ބިން ހިއްކުމުގެ އަމަލީ މަސައްކަތް ފަށައިފިއެވެ.
އެމަސައްކަތްކުރަމުން އަންނަ އެމްޓީސީސީން ބުނީ އުކުޅަހުގެ ބިން ހިއްކާ ނިމުމަށްފަހު ބޮޑުފޮޅުދޫ ބިން ހިއްކަން ފަށާފައިވާކަމަށެވެ. ބޮޑުފޮޅުދޫ ބިން ހިއްކުމާއެކު ގޮނޑުދޮށް ހިމާޔަތްކުރުމުގެ މަސައްކަތްކުރާނެއެވެ.
މިމަޝްރޫޢުގެ ދަށުން 8 ހެކްޓަރުގެ ބިން ހިއްކާނެއެވެ. އަދި ހިއްކި ސަރަޙައްދުން 180 މީޓަރުގެ ސަރަޙައްދެއް ހިމާޔަތްކުރާނެއެވެ. އަދި 117 މީޓަރުގެ ސަރަހައްދެއްގައި ބޮޑުހިލަ ޖެހުމާއި 161 މީޓަރުގެ ސަރަހައްދެއްގައި ބްރޭކް ވޯޓަރ ގާއިމުކުރާނެއެވެ.
މިމަޝްރޫޢު އެމްޓީސީސީ އާ ހަވާލުކޮށްފައިވަނީ 74 މިލިއަން ރުފިޔާއަށެވެ.
އެމްޓީސީސީން ބުނީ ބޮޑުފޮޅުދޫގެ ބިން ހިއްކުމުގެ މަޝްރޫޢު އަންނަ މަހުގެ 4 ވަނަ ދުވަހުގެ ނިޔަލަށް ނިންމާލުމަށް މަސައްކަތްކުރަމުން އަންނަކަމަށެވެ.
