ރަފިއްޔާއަށް ހަމަލާދިން މައްސަލަ ފުލުހުންނަށް ހުށަހަޅައިފި
20 އޯގަސްޓު 2023 | އާދީއްތަ 02:29ހަމަލަދިން ކަަަމަށް ތުހުމަތުކޮށްފައި ވަނީ އެމްޑީއޭގެ ކައުންސިލް މެމްބަރެއް ކަމަށްވާ މުހައްމަދު އައްބާސްއަށް
ޑރ. ރަފިއްޔާ
މޯލްޑިވްސް ޑިވޮލޮޕްމެންޓް އެލަޔަންސް (އެމްޑީއޭ)ގެ ޑެޕިއުޓީ ލީޑަރު އައިޝަތު ރަފިއްޔާއަށް ހަމަލާދިން މައްސަލަ ފުލުހުންނަށް ހުށަހަޅާފައިވާ ކަމަށް ރަފިއްޔާ ވިދާޅުވެއްޖެއެެވެ.
ރަފިއްޔާއަށް ހަމަލާދީފައި ވަނީ ހޮނިހިރު ދުވަހުއެވެ. ރަފިއްޔާ އަށް ހަމަލަދިން ކަަަމަށް ތުހުމަތުކޮށްފައި ވަނީ އެމްޑީއޭގެ ކައުންސިލް މެމްބަރެއް ކަމަށްވާ މުހައްމަދު އައްބާސްއަށެވެ.
ފުލުހުން ބުނީ ރަފިއްޔާއަށް ހަމަލާދީ މާރާމާރީ ހިންގިކަމަށް ބުނާ މައްސަލަ އެއް އެ އިދާރާ އަށް ހުށަހަޅާފައިވާ ކަމަށާއި އެ މައްސަލަ ތަހުގީގުކުރަމުންދާ ކަމަށެވެ.
ރަފިއްޔާ ވަނީ އޭނާ އަށް އޭނާގެ ޒިންދަގީ ދުއްވާލާނެ ކަމަށް ބުނެ އިންޒާރު ދީފައިވާ ކަަމަށްވެސް ވިދާޅުވެފައެވެ. އަދި އާއިލާ އަށް ވެސް އިންޒާރުދިން ކަމަށާއި އޭނާ އަށް ހަަމަލަ ދިން މައްސަލަ ހުށަހަޅާނެ ކަމަށް ބުނުމުން އެނާ އަށް ވަޓްސް އެޕުން ކުރި ބައެއް މެސެޖުތައް އައްބާސް ޑިލީޓްކުރި ކަމަށް ރަފިއްޔާ ވިދާޅުވިއެވެ.
