18/30 ކްލެސިކްގެ ފައިނަލަށް އެމްއޭސީއެލްއާއި ވެމްކޯ
15 އޯގަސްޓު 2023 | އަންގާރަ 02:33ފައިނަލަށް ދަތުރުކުރީ ގްރޫޕް އޭގެ ދެ ޓީމް
ސެމީފައިނަލްގައި އެމްއޭސީއެލްއާއި ޕްރިޒަން ކްލަބް ވާދަކުރި މެޗުގެ ތެރެއިން
18/30 ކްލެސިކްގެ ފައިނަލުން މޯލްޑިވްސް އެއަޕޯރޓްސް ކޮމްޕެނީ ލިމިޓެޑް (އެމްއޭސީއެލް) އާއި ވެމްކޯ ޖާގަ ހޯދައިފިއެވެ.
ގްރޫޕް އޭގެ އެއްވަނަ ޓީމްގެ ގޮތުގައި ސެމީން ޖާގަހޯދި ވެމްކޯ ފައިނަލަށް ދަތުރުކުރީ ގްރޫޕް ބީގެ ދެވަނަ ޔޫތު މިނިސްޓްރީ 5-0 ން ބަލިކޮށްގެންނެވެ. ސެމީފައިނަލް މެޗުގައި ވެމްކޯގެ ފަޒްލާ އިބްރާހީމް ދެ ލަނޑު ޖެހިއެވެ. އަނެއް ތިން ލަނޑު ޖެހީ މަރިޔަމް މަލްޝާ ޝަމީމްއާއި ފާތިމަތު ޔޫނާ އަހުމަދާއި ސަފިއްޔާ ރަފާއެވެ. މެޗުގެ މޮޅު ކުޅުންތެރިއަކީ ސަފިއްޔާ ރަފާއެވެ.
އެމްއޭސީއެލް ފައިނަލުން ޖާގަހޯދީ ސެމީފައިނަލްގައި 5-0 ން ޕްރިޒަން ކްލަބް ބަލިކޮށްގެންނެވެ. މެޗުގައި ފިރުޝާނާ ނަސީރު ތިން ލަނޑު ޖެހިއެވެ. މެޗުގެ މޮޅު ކުޅުންތެރިއަކީ ވެސް އޭނާއެވެ. އެމްއެސީއެލްގެ އަނެއް ދެ ލަނޑު ޖެހީ އިނާސާ އަބުދުލް ރަހީމާއި އަޒީނާ މަތީނެވެ. އެމްއޭސީއެލް އަކީ ގްރޫޕް އޭގެ ދެވަނަ ޓީމެވެ. ގްރޫޕް ސްޓޭޖްގައި އެމްއޭސީއެލްއާއި ވެމްކޯ ވާދަކުރި މެޗު 3-1 ން ކާމިޔާބުކުރީ ވެމްކޯއެވެ.
