މާލޭ ގެއެއްގައި ގޭސްފުޅިއެއް ގޮވައި އަންހެނެއްގެ މޫނު ފިހިއްޖެ
ޙާދިސާ ހިނގާފައިވަނީ ގޭސް ލީކުވެފައި ހުއްޓައި އުނދުން ރޯކުރުމުން ކަމަށް ބެލެވޭ
ލައިޝާ އަހްމަދު | 23 ޖުލައި 2023 | އާދީއްތަ 06:01
އެމްއެންޑީއެފް ފަޔަރ އެންޑް ރެސްކިއު ސަރވިސްގެ އުޅަނދެއް
މާލޭ ގެއެއްގައި ގޭސްފުޅިއެއް ގޮވައި، އަންހެނެއްގެ މޫނު ފިހިއްޖެއެވެ.
އެމްއެންޑީއެފުން ބުނީ، މ.ދިއްލީވިލާގައި ގޭސް ފުޅިއެއް ގޮވައިގެން އުޅޭ ކަމުގެ ރިޕޯޓު އެ އިދާރާއަށް ލިބުމާއި ގުޅިގެން ފަޔަރ އެންޑް ރެސްކިއު ސަރވިސްއިން ޙަރަކާތްތެރިވަމުންދާ ކަމަށެވެ.
މި ޙާދިސާ ހިނގާފައިވަނީ ގޭސް ލީކުވެފައި ހުއްޓައި އުނދުން ރޯކުރުމުން ކަމަށް ބެލެވޭކަމަށްވެސް އެމްއެންޑީއެފުން ބުނެއެވެ.
އޭގެ އިތުރުން، އުނދުން ރޯކުރި އަންހެން މީހާ ފިހިގެން ހޮސްޕިޓަލަށް ގެންދިއުމުގެ މަސައްކަތް ކުރާކަމުގެ މައުލޫމާތު ލިބިފައިވާކަމަށެވެ. އެމްއެންޑީއެފުން ބުނީ، އޭނާގެ މޫނު ފިހިފައިވާ ކަމަށެވެ.
