ހުޅުމާލޭގައި ތަރައްގީކުރަމުންދާ ކޭ ޕާކް ރެޒިޑެންސްގެ ފްލެޓްތަކުގެ މައްސަލައިގައި ބޮޑެތި ތުހުމަތުތަކެއް ކުރެވިފައިވާ ހަސަން މަމްދޫހު (މަންޑޭ)ގެ ބަންދަށް 15 ދުވަސް ޖަހައިފިއެވެ.
ޅުމާލޭގައި ތަރައްގީކުރަމުން އަންނަ ކޭ ޕާކު ފްލެޓްތަކުގެ މައްސަލާގައި ގިނަ ތުހުމަތުތަކެއް އަމާޒުވެފައިވާ ހަސަން މަމްދޫހު (މަންޑޭ) ހައްޔަރުކުރީ ޖުލައި 5 ވަނަ ދުވަހުއެވެ.
އޭނާ ހައްޔަރުކޮށްފައިވަނީ އޭނާ ފިލަން މަސައްކަތް ކުރާކަމަށް ތުހުމަކުރުމަށް ފަހުގައެވެ. އޭނާ ހައްޔަރުކޮށްފައި ވަނީ ހުޅުމާލޭ މެޖިސްޓްރޭޓް ކޯޓުގެ އަމުރަކާއެކު ކަމަށް ވާއިރު، އޭނާގެ ބަންދާމެދު ގޮތެއް ކަނޑައަޅަން ބުރާސްފަތި ދުވަހު ހުޅުމާލޭ ކޯޓަށް އޭނާ ވަނީ ގެންގޮސްފައެވެ.
އޭނާގެ ބަންދަށް އެ ކޯޓުން ވަނީ 15 ދުވަހުގެ މުއްދަތެއް ޖަހާފައެވެ. މަންޑޭ ހައްޔަރުކުރަން ހުޅުމާލޭ ކޯޓުން ނެރުނު އަމުރުގައި ވަނީ އޭނާ ފުރުން މަނާކޮށްފައެވެ.
މީގެ ކުރިން މަންޑޭގެ ޕާސްޕޯޓް ހިފަހައްޓަން ކްރިމިނަލް ކޯޓުން ނެރުނު އަމުރު ވަނީ ބާތިލްކޮށްފައެވެ.
ކޭޕާކު ފްލެޓްތައް ތަރައްގީކުރަމުންދާ ހަންބޯ މޯލްޑިވްސްގެ ނަމުގައި ހަދާފައިވާ ފޯޖު ލިޔުންތަކެއް ބޭނުން ކުރުމާއި، މަކަރާއި ހީލަތުން އެޕާޓްމަންޓުތައް ވިއްކުމަށްފަހު, އެ ފައިސާއަށް ޚިޔާނާތްތެރިވި ކަމަށް އޭނާގެ މައްޗަށް ވަނީ ތުހުމަތު ކުރެވިފައެވެ. ފުލުހުން މި ފަދަ މައްސަލައެއް ތަހުގީގުކުރަން ފަށާފައި ވަނީ ހަންބޯ މޯލްޑިވްސްގެ މައި ހިއްސާދާރު ހުށަހެޅި މައްސަލައަކާ ގުޅިގެންނެވެ.
މަންޑޭއަށް ކުރާ ތުހުމަތުތައް އޭނާ ދޮގުކުރެއެވެ. އަދި އެ މަޝްރޫއު ހިންގާ ކުންފުނިކަމަށްވާ ހަންބޯ މޯލްޑިވްސްގެ މައި ހިއްސާދާރު އުޅެނީ ފައިސާ ހިފައިގެން ފިލަން ކަމަށްވެސް މަންޑޭ ތުހުމަތުކޮށްފައިވެއެވެ. އަދި އެ މަޝްރޫއު ހިންގާ ކުންފުނިކަމަށްވާ ހަންބޯ މޯލްޑިވްސްގެ މައި ހިއްސާދާރު އުޅެނީ ފައިސާ ހިފައިގެން ފިލަން ކަމަށްވެސް މަންޑޭ ތުހުމަތުކޮށްފައިވެއެވެ.
