އައްޑޫސިޓީ އީދި ސަމާ 1444 "ތެމެޱަސް ވަރިހަމަ" ކުޑަކުދިންގެ ހަވީރަށް ބޮޑު ތަރުހީބެއް ލިބިއްޖެ އެވެ.
މިއީ އައްޑޫސިޓީ ކައުންސިލް އާއި ފިޝިން ކްލަބް ގުޅިގެން މަރަދޫ ބަނދަރު ސަރަހައްދުގައި ކުރިއަށްގެންދިޔަ ހަވީރެކެވެ. މިހަވީރަކީ ވޯޓަރ ތީމްއަކަށް އަމާޒުކޮށްގެން ކުރިއަށްގެންދިޔަ ހަވީރަކަށްވާއިރު، ގިނަ އަދަދެއްގެ ކުޑަކުދިންނާއި ބޮޑެތި މީހުން ވަނީ ތަފާތު އެކި ކުޅިވަރުތަކުގައި ބައިވެރިވަފެ އެވެ.
ތެމުނަސް ހެޔޮ ކަމަށް ބުނެ މިހަވީރުގައި ބައިވެރިވި ހުރިހާ ފަރާތްތަކުންވަނީ އީދު އުފަލުގައި ބައިވެރިވެފަ އެވެ. އެކި މުއައްސަސާތަކުން ބައިވެރިވި މިހަވީރުގައި ރޮބޯ މޭންގެ ހަރަކާތްތަކެއްވެސް ފެނިގެންގޮސްފައިވެއެވެ.
މިއަހަރުގެ އަޟުހާ އީދު ފާހަގަކުރުމަށް އައްޑޫ ސިޓީގައި ކުރިއަށްގެންދާ އީދި ސަމާގެ ކުޅިވަރު ހަރަކާތްތައް ވަރަށް ފޯރިއާއެކު ކުރިއަށް އެބަދެއެވެ.
27 ޖޫން 2023 އިން 01 ޖުލައިގެ ނިޔަލަށް 4 ދުވަހަށް ބަހާލައިގެން އައްޑޫސިޓީގެ 6 އަވަށުގައި ހަރަކާތްތަކެއް ކުރިއަށް ގެންދިއުމަށް ނިންމަފައިވާއިރު ކޮންމެ އަވަށެއްގައިވެސް ފޯރިގަދަ ކުޅިވަރުތަކެއް ވަނީ ރާވާފައެވެ.
އެގޮތުން ހިތަދޫގައި ބައިބަލާ މުބާރާތެއް ބާއްވާއިރު، މަރަދޫގައި ވާދެމުމުގެ މުބާރާތެއް އޮންނާނެއެވެ. އަދި މަރަދޫފޭދޫގައި މިކްސް ވޮލީ މުބާރާތެއް ބޭއްވުމަށް ވަނީ ހަމަޖެހިފައެވެ. އަދި ފޭދޫގައި މިކްސް ފުޓްސަލް މުބާރާތެއް އޮންނާނެއެވެ. އަދި ޖޫން 28 ން 30 އަށް ހުޅުދޫގައި ޓެކްބޯލް މުބާރާތެއް ބާއްވާއިރު، މީދޫގައި ޑޮޖުބޯލް މުބާރާތެއް ބޭއްވުމަށް ހަމަޖެހިފައި ވެއެވެ.
މީގެ އިިތުރުން ހިތަދޫގައި އޮންނަ ބޮޑުމަސް ބޭނުމާއި، ޖޫން 30 ގައި ބާއްވާ ކުޑަކުދިންގެ ހަވީރުގެ އިތުރުން ގުޅިފައިވާ ރަށްތަކުގައި އެމްއެންޑީއެފްގެ ޕެރޭޑުވެސް ކުރިއަށްދާނެއެވެ.
ޖުލައި އެއްވަނަ ދުވަހު ބާއްވާ "ފަންނާނުންގެ ޝޯވ" އާއެކު ހަވާ އެރުވުން ވެސް އޮންނާނެ ކަމަށް ސިޓީ ކައުންސިލުން ބުނެފައިވެއެވެ. ފަންނާނުންގެ ޝޯވްގައި ގިނަ އަދަދެއްގެ ފަންނާނުން ބައިވެރިވާއިރު ރާއްޖެއިން ބޭރުގެ މަޝްހޫރު ލަވަކިޔުންތެރިންވެސް ބައިވެރިވާނެ ކަމަށް މައުލޫމާތުލިބެއެވެ.
