ކ. މާލެ
|
26 ޖޫން 2023 | ހޯމަ 07:09
އާސެނަލްގެ ކޯޗު އާޓެޓާ
އާސެނަލްގެ ކޯޗު އާޓެޓާ
ރޮއިޓާސް
އާސެނަލް
ޗެމްޕިއަންކަން ހޯދުމަށް އައު ކުޅުންތެރިން ގެންނަން ޖެހޭ: އާޓެޓާ
 
އާސެނަލްއިން މިހާރުވެސް ދަނީ ރައިސް އާއި ހަވާޓްޒް ހޯދުމުގެ މަސައްކަތް ކުރަމުން

އަންނަ ސީޒަނުގެ ޕްރިމިއާ ލީގުގެ ޗެމްޕިއަންކަން އާސެނަލް އިން ހޯދަން ބޭނުންނަމަ ޓްރާންސްފާ މާކެޓްގައި އާސެނަލް ވަރުގަދަ ކުރަން ޖެހޭ ކަމަށް އާސެނަލްގެ ކޯޗު މިކޭލް އާޓެޓާ ބުނެފިއެވެ.

މި ނިމުނު ސީޒަނަކީ ފަހުގެ ތާރީހެއްގައި އާސެނަލް އިން ލީގު ކާމިޔާބުކުރުމާ އެންމެ ގާތަށް ޖެހިލި ސީޒަނެވެ. ނަމަވެސް އާޓެޓާގެ ޓީމު ވަނީ ލީގު ހޯދުމުގެ ރޭހުގައި ފަހުވަގުތު މެންޗެސްޓާ ސިޓީ އަތުން ބަލިވެފައެވެ.

އާސެނަލްއިން މިހާރުވެސް ދަނީ ވެސްޓް ހޭމްގެ މިޑްފީލްޑަރު ޑެކްލާން ރައިސް އާއި ޗެލްސީގެ ފޯވާޑް ކައި ހަވާޓްޒް ހޯދުމުގެ މަސައްކަތް ކުރަމުންނެވެ. އަންނަ ސީޒަނަކީ ޕްރިމިއާ ލީގުގެ ތާރީހުގައި ވެސް އެންމެ އުނދަގޫ ސީޒަނަށް ވާނެކަމަށް އާޓެޓާ ބުންޏެވެ. އެއީ ކީއްވެތޯ ސުވާލުކުރުމުން އާޓެޓާ ވަނީ މިދިޔަ ސީޒަނުގެ ވާހަކަވެސް ދައްކާފައެވެ. އޭނާ ބުނީ އިންގްލެންޑުގައި އުޅޭތާ 22 އަހަރު ވެފައިވާއިރު، މިދިޔަ ސީޒަންހާ ވާދަވެރި ސީޒަނެއް ނުފެންނަ ކަމަށެވެ. މުބާރާތުގެ ފެންވަރާއި، ހިންގުންތެރިކަން އަދި ކޯޗުން މޮޅުކަން އޭނާ ފާހަގަ ކުރިއެވެ.

ސީޒަނުގެ ގިނަ ވަގުތު ތާވަލުގެ އެއްވަނައިގައި އާސެނަލް އޮތް ނަމަވެސް ވިލިއަމް ސާލިބާ ފަދަ މުހިންމު ކުޅުންތެރިންނަށް އަނިޔާވުމުން އެ ޓީމުގެ އުއްމީދުތައް ވަނީ ފުނޑުފުނޑުވެފައެވެ. ގަނަރސް ދެ ވަނަ ހޯދައި ޗެމްޕިއަންސް ލީގަށް އެނބުރި އައި ނަމަވެސް އާޓެޓާ ބުނީ އަދިވެސް ހިތާމަކުރާ ކަމަށެވެ.

ކުރިޔަށް އޮތް ސީޒަނަށް ތައްޔާރުވުމުގެ ގޮތުން ޕްރިމިއަރ ލީގުގެ ގިނަ ޓީމުތައް ފެންނަނީ ޓްރާންސްފާ ބާޒާރުގައި ވަރަށް ހަރަކާތްތެރިކޮށެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް