ފޮރިން މިނިސްޓަރު ޝާހިދު ޔޫ.އެސް.އޭ.އައި.ޑީގެ އެޑްމިނިސްޓްރޭޓަރ ސަމަންތާއާ ބައްދަލުކުރައްވައިފި
ޔޫ.އެސް.އޭ.އައި.ޑީ.ގެ ޕްރޮގްރާމްތައް ރާއްޖެއަށް އިތުރަށް ފުޅާވެގެން ދާނެކަމަށް އުއްމީދުކުރައްވާ ކަމަށް ޝާހިދު ވިދާޅުވި
ފޮރިން މިނިސްޓަރު އަބުދުﷲ ޝާހިދު ޔޫ.އެސް.އޭ.އައި.ޑީގެ އެޑްމިނިސްޓްރޭޓަރ ސަމަންތާއާ ބައްދަލުކުރެއްވުން
ފޮރިން މިނިސްޓަރު އަބުދުﷲ ޝާހިދު އެމެރިކާއަށް ކުރައްވަމުން ގެންދަވާ ދަތުރުފުޅުގައި ޔޫ.އެސް.އޭ.އައި.ޑީ.ގެ އެޑްމިނިސްޓްރޭޓަރ ސަމަންތާ ޕަވަރ އާއި ބައްދަލުކުރައްވައިފިއެވެ.
ޝާހިދު ވިދާޅުވީ ސަމަންތާ އާއެކު ބޭއްވުނު ބައްދަލުވުމުގައި، ޔޫ.އެސް.އޭ.އައި.ޑީ.ގެ ޕޯޓްފޯލިއޯގެ ދަށުން ރާއްޖޭގެ ތަރައްޤީގެ އެހީގެ ޕްރޮގްރާމްތައް ހިންގެވުމުގައި އެކަމަނާ ކުރައްވަމުން ގެންދަވާ މަސައްކަތްޕުޅުތަކަށް ޝުކުރު އަދާކުރައްވާފައިވާ ކަމަށެވެ.
އަދި ކުރިއަށް އޮތް ތަނުގައި ޔޫ.އެސް.އޭ.އައި.ޑީގެ ޕްރޮގްރާމްތައް ރާއްޖެއަށް އިތުރަށް ފުޅާވެގެން ދާނެކަމަށް އުއްމީދުކުރައްވާ ކަމަށް ޝާހިދު ވިދާޅުވިއެވެ.
މިނިސްޓަރު ޝާހިދު އެމެރިކާއަށް ވަޑައިގެން އުޅުއްވަނީ އެމެރިކާގައި މުޅިން އަލަށް ދިވެހިރާއްޖޭގެ އެމްބަސީއެއް ހުޅުވުމަށެވެ.
