ގައިދީންނަށް އަމާޒުކޮށްގެން "ޕޯރިންގ އާޓް ވޯކްޝޮޕް" ފަށައިފި
10 ޖޫން 2023 | ހޮނިހިރު 02:43މި ވޯކްޝޮޕްގައި 10 ގައިދީންނާއި 02 ޕްރިޒަން އޮފިސަރުން ބައިވެރިވެފައިވޭ
ގައިދީންނަށް އަމާޒުކޮށްގެން ކުރިޔަށްގެންދާ އާޓް ވޯކްޝޮޕްގެ ތެރެއިން
މޯލްޑިވްސް ކަރެކްޝަނަލް ސަރވިސް (އެމްސީއެސް)އިން ގައިދީންނަށް ޚާއްސަކޮށްގެން، "ޕޯރިންގ އާޓް ވޯކްޝޮޕް" ފަށައިފިއެވެ.
މާފުށީ ޖަލުގައި އޮންނަ މި ވޯކްޝޮޕްގައި 10 ގައިދީންނާއި 02 ޕްރިޒަން އޮފިސަރުން ބައިވެރިވެފައިވެއެވެ.
ދިވެހި އާޓިސްޓުން ތަރައްގީކުރުމަށް މަސައްކަތްކުރާ ކުންފުންޏެއް ކަމުގައިވާ މިއުސްއާ ގުޅިގެން ފެށި މި ވޯކްޝޮޕަކީ 6 ދުވަހަށް ކުރިއަށްގެންދާ ވޯކްޝޮޕެކެވެ. މިއުސްއިން ގައިދީންނަށް މި ވޯކްޝޮޕް ހިންގައިދެނީ ހިލޭސާބަހަށެވެ.
ގައިދީން ރިހެބިލިޓޭޓްކުރުމުގެ ގޮތުން، ހުނަރުތައް ދަސްކޮށްދިނުމަށް ހިންގާ މިފަދަ ޕްރޮގްރާމްތަކާއި ވޯކްޝޮޕްތަކުގެ މަގުސަދަކީ، ގައިދީންނަށް ޖަލުގައި ދަސްކޮށްދޭ އެކި ހުނަރުތަކުގެ އެހީގައި، ޖަލުން ނިކުތުމަށްފަހު މުޖުތަމައަށް ބޭނުންތެރި މަސައްކަތެއް ކުރާ ބަޔަކަށް ހެދުމަށް މަސައްކަތްކުރުމެވެ.
މިގޮތުން ގައިދީންގެ ތެރޭގައި ކުރެހުމަށް ޝައުގުވެރިވާ ގިނަ ފަރާތްތައް ތިބިއިރު، މި މަހުގެ 1ގައި ބޭއްވި "އިންމޭޓްސް ކްރިއޭޓިވިޓީ ފެއަރ"ގައި ގައިދީންގެ ގިނަ ކުރެހުންތައް އާންމުންނަށް ދައްކާލާފައިވެއެވެ. އަދި މީގެ ތެރެއިން ކުރެހުންތައް ވިކިފައިވެއެވެ.
