ލީގު ކާމިޔާބު ކުރުމަށްފަހު ބަޔާން އިން އޮލިވާ ޚާން އަދި ސަލިހަމިޒިޗް މަގާމުން ވަކިކޮށްފި
28 މެއި 2023 | އާދީއްތަ 16:21މި ސީޒަނަކީ ބަޔާން އަށް ޕްރެޝަރ ބޮޑު ސީޒަނެއް
ބަޔާންގެ ކޯޗު ޓުޗެލް އަދި ކުރީގެ ސީއީއޯ އޮލިވާ ޚާން
ބަޔާން އިން ޖަރުމަނު ލީގު ކާމިޔާބުކުރުމަށްފަހު ސީއީއޯ އޮލިވާ ޚާން އަދި ސްޕޯޓިންގ ޑިރެކްޓަރ ހަސަން ސަލިހަމިޒިޗް މަގާމުން ވަކިކޮށްފިއެވެ.
ބަޔާން އިން ޚާން އަދި ސަލިހަމިޒިޗް މަގާމުން ވަކިކުރިކަން އާންމުކޮށްފައިވަނީ އެ ޓީމުން ޖެހިޖެހިގެން 11 ވަނަ ފަހަރަށް ޖަރުމަނު ލީގު ކާމިޔާބުކުރިތާ ކުޑަ ވަގުތުކޮޅެއްގެތެރޭގައެވެ. އެ ޓީމުން ނެރުނު ނޫސްބަޔާނުގައި ބުނެފައިވަނީ 2021 ވަނަ އަހަރު ސީއީއޯ ގެ މަގާމާ ހަވާލުވި ޚާން ގެ ބަދަލުގައި ޖޭން ކްރިސްޓިއަން ޑްރީސެން ހަމަޖައްސާކަމަށެވެ. އެ ޓީމުން ބުނެފައިވަނީ ޚާން މަގާމުން ދުރުކުރުމަކީ ފަސޭހަ ނިންމުމަކަށް ނުވިނަމަވެސް، ޓީމު ބިނާކުރުން އިތުރަށް ރަނގަޅުކުރުމަށް ބޯޑުގެ ބައެއް މެންބަރުން ބަދަލުކުރާ ކަމަށެވެ.
ޑޯޓްމަންޑް 2-2 އިން އެއްވަރުވިއިރު، 89 ވަނަ މިނެޓުގައި ޖަމާލް މުސިއާލާ ޖެހި ލަނޑާއެކު 2-1 ން މެޗު ކާމިޔާބުކޮށް ބަޔާން އިން ލީގު ހޯދާފައިވަނީ މި ސީޒަނުގެ ފަހު މެޗުގައެވެ.
މި ސީޒަނުގައި ބަޔާން ވަނީ ޖަރުމަނު ކަޕުންނާއި ޗެމްޕިއަންސް ލީގުން ކަޓާފައެވެ. އަދި ގިނަ ބަޔަކު ހައިރާންވީ ކުއްލިގޮތަކަށް ނަގޭލްސްމަންގެ ބަދަލު ކޯޗުކަމަށް ޓުޗެލް ގެނައުމުންނެވެ.
