އޯއައިސީ ބައްދަލުވުމުގައި ބައިވެރިވެވަޑައިގަތުމަށް މިނިސްޓަރު އާސިމް ފުރާވަޑައިގެންފި
9 ޖުލައި 2017 | އާދީއްތަ 08:22މިމަހުގެ 10 ން 11 އަށް އައިވަރީކޯސްޓް ގައި
ފޮރިން މިނިސްޓަރު ޑރ. މުހައްމަދު އާސިމް
އޯގަނައިޒޭޝަން އޮފް ދަ އިސްލާމިކް ކޯޕަރޭޝަން(އޯއައިސީ) ގެ 44 ވަނަ ކައުންސިލް އޮފް ފޮރިން މިނިސްޓާރސްގެ ބައްދަލުވުމުގައި ބައިވެރިވެވަޑައިގަތުމަށް ފޮރިން މިނިސްޓަރު ޑރ. މުހައްމަދު އާސިމް ފުރާވަޑައިގެންފި އެވެ.
އޯއައިސީގެ 44 ވަނަ ބައްދަލުވުން ބާއްވަން ހަމަޖެހިފައިވަނީ މިމަހުގެ 10 ން 11 އަށް އައިވަރީކޯސްޓްގަ އެވެ.
އެ ބައްދަލުވުމުގައި ރާއްޖެ ތަމްޒީލުކުރެއްވުމަށް ވަޑައިގެންނެވި ވަފްދުގަައި ފޮރިން މިނިސްޓަރުގެ އިތުރުން ހިމެނިވަޑައިގަންނަވަނީ އެޑިޝަނަލް ސެކްރެޓަރީ ޑރ. މަރިޔަމް ޖަބީން އާއި ޑެސްކް އޮފިސަރ އައިޝަތު ފަރީނާ އެވެ.
މިއަހަރުގެ ބައްދަލުވުމުގެ ތީމުގެ ގޮތުގައި ކަނޑައަޅާފައިވަނީ "ބަދަހި ދުނިޔެއެއްގައި ޒުވާނުން، ސުލްހަ އަދި ތަރައްގީ" އެވެ. މިއަހަރުގެ ބައްދަލުވުމުގައި ފަލަސްތީނުގެ ހާލަތާއި، މުސްލިމް ދުނިޔޭގައި ހުރި މައްސަލަތައް ރިވިއުކުރުމުގެ އިތުރުން ޓެރަރިޒަމް ފަދަ މައްސަލަތަކާ މެދު މެންބަރު ގައުމުތަކުގެ މެދުގައި ޚިޔާލު ބަދަލުކޮށް މަޝްވަރާތައް ކުރެވޭނެ އެވެ.
ރާއްޖެއިން އޯއައިސީގައި ބައިވެރިވީ، މިނިވަންކަން ލިބުނުތާ އެއް އަހަރު ފަހުން، 1976 ވަނަ އަހަރުގެ ޖުލައި 26 ވަނަ ދުވަހު އެވެ. އޭގެ ފަހުން ރާއްޖެއިން ގެންދަނީ އޯއައިސީގެ ހުރިހާ ބައްދަލުވުންތަކެއްގައި މެދުކެނޑުމެއް ނެތި ބައިވެރިވަމުންނެވެ.
