ކަނޑޫދޫ މެޖިސްޓްރޭޓް ކޯޓުގެ މަސައްކަތް އެރަށު ކައުންސިލާ ހަވާލުކޮށްފި

ތ. ކަނޑޫދޫ މެޖިސްޓްރޭޓް ކޯޓުގެ މަސައްކަތް ކަނޑޫދޫ ކައުންސިލާ ހަވާލުކޮށްފިއެވެ.

ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ގެ ފަރާތުން މި މަސައްކަތް ކަނޑޫދޫ ކައުންސިލާ ހަވާލުކުރެއްވީ ޗީފް ޖުޑީޝަލް އެޑްމިނިސްޓްރޭޓަރ އައިޝަތު ރިޒްނާއެވެ.

ޑީޖޭއޭއިން ބުނީ މި މަސައްކަތުގެ ސަބަބުން ކޯޓަށް ދިމާވެފައިވާ ޖާގައިގެ ދަތިކަމަށް ހައްލެއްލިބި، މުވައްޒަފުންނަށް ފަސޭހަކަމާއެކު މަސައްކަތްކުރެވޭނެ މާހައުލެއް ލިބިގެންދާނެ ކަމަށެވެ.

އަދި ކޯޓުގެ ފަރާތުން ރައްޔިތުންނަށް ފޯރުކޮށްދޭ ޚިދުމަތްތަކުގެ ފެންވަރު ކުރިއަށްވުރެ ރަނގަޅުވެގެންދާނެ ކަމަށް ޑިޖޭއޭއިން ބުނެއެވެ.

ޑީޖޭއޭއިން ގެންދަނީ ރާއްޖޭގެ ރަށްރަށުގެ މެޖިސްޓްރޭޓް ކޯޓުތަކުގެ ފެންވަރު ރަނގަޅުކުރުމަށް މަސައްކަތްކުރަމުންނެވެ.