އިޓާލިއަން ލީގުގައި ލާޒިއޯއާ ދެކޮޅަށް ކުޅުނު މެެޗުން މޮޅުވެ، އޭސީ މިލާނުން ގަދަ ހަތަރެއްގެ އުންމީދު ދަމަހައްޓައިފި އެވެ.

ހޮނިހިރު ދުވަހުގެ ރޭ މިލާންގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބު ކުރީ 2-0 އިންނެވެ. މެޗުގައި މިލާންގެ ފުރަތަމަ ލަނޑު ޖެހީ އިސްމާއީލް ބެނާސާ އެވެ. އެއީ އޮލީވިއޭ ޖިރޫޑް ތަނަވަސްކޮށްދިން ފުރުސަތެއްގައި މެޗުގެ 17 ވަނަ މިނެޓުގައި އޭނާ ޖެހި ލަނޑެކެވެ. އެއީ މިލާންގެ ގޯލް ކީޕަރު މައިކް މައިގްނަން ދިން ބޯޅައެއް ހިފައިގެން ގޮސް، ލާޒިއޯގެ ގޯލު ކަނަށް ވާ ގޮތަށް ފޮނުވާލައިގެން ތިއޯ ހެނާންޑޭޒް ކާމިޔާބުކޮށްދިން ލަނޑެކެވެ.

މޮޅާއެކު މިލާން އޮތީ ފަސް ވަނައިގަ އެވެ. އެއީ މިހާތަނަށް ކުޅުނު 34 މެޗުން 61 ޕޮއިންޓާއެކު އެވެ. ހަތަރު ވަަނައިގައި އޮތް ވާދަވެރި އިންޓަ މިލާނަށް ލިބެނީ 63 ޕޮއިންޓެވެ. މިލާން އަތުން ބަލިވި ލާޒިއޯ އޮތީ 64 ޕޮއިންޓާއެކު ދެ ވަނައިގަ އެވެ. ލީގުގައި އެންމެ ފަހުން ކުޅުނު މެޗުން ލިބުނު ޕޮއިންޓާއެކު ނަޕޯލީން ވަނީ ލީގު ކަށަވަރުކޮށްފަ އެވެ.