އިތުރު 20 އެމްބިއުލާންސް ގެންނަނީ
9 އެޕްރީލު 2023 | އާދީއްތަ 21:5990 ދުވަހުގެ ތެރޭގައި އެމްބިއުލާންސްތައް ގެންނާނެ
އެމްބިއުލާންސް ގެނައުމުގެ އެއްބަސްވުމުގައި ސޮއިކުރުން
ސިއްހީ ދާއިރާއަށް ބޭނުންވާ އިތުރު 20 އެމްބިއުލާންސް ގެނައުމަށް މިނިސްޓްރީ އޮފް ހެލްތާއި އެސްޓީއޯއާ ދެމެދު އެއްބަސްވުމެއްގައި ސޮއިކޮށްފިއެވެ.
އާދީއްތަ ދުވަހު މި އެއްބަސްވުމުގައި ސޮއިކޮށްފައިވާއިރު ހެލްތު މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރު އަހުމަދު އާދިލްއެވެ. އެސްޓީއޯގެ ފަރާތުން ސޮއިކުރެއްވީ ކުންފުނީގެ ސީއީއޯ އަދި މެނޭޖިން ޑިރެކްޓަރު އަބްދުﷲ ސައީދުއެވެ.
އެއްބަސްވުމުގެ ދަށުން 20 އެމްބިއުލާންސް 90 ދުވަހުގެ މުއްދަތެއްގެ ތެރޭގައި ރާއްޖެ ގެނެސް މިނިސްޓްރީއާ ހަވާލު ކުރެވޭނެ ކަމަށް އެސްޓީއޯއިން ބުނެއެވެ.
އެސްޓީއޯ އިން މީގެ ކުރިންވެސް ވަނީ މިނިސްޓްރީގެ އެދުމުގެ މަތިން ސިއްހީ ދާއިރާއަށް ބޭނުންވާ 96 އެމްބިއުލާންސް ގެނެސްފައެވެ. ރާއްޖޭގެ އެކި ކަންކޮޅުތަކަށް މި އެމްބިއުލާންސްތައް މިހާރު ވަނީ ފޯރުކޮށްދީފައެވެ.
