ކ. މާލެ
|
7 އޭޕްރިލް 2023 | ހުކުރު 13:04
ހުކުރު ނަމާދެއްގެ ތެރެއިން
ހުކުރު ނަމާދެއްގެ ތެރެއިން
ރާއްޖެއެމްވީ
ބަދުރު ހަނގުރާމަ
ބަދުރު ހަނގުރާމައިގެ މަތިވެރި ނަސްރުން ލިއްބައިދޭ ފިލާވަޅަކީ މުއުމިނުންގެ އެންމެ ބާރުގަދަ ހަތިޔާރަކީ ދުޢާ ދެންނެވުންކަން!
 
ބަދުރު ހަނގުރާމައަށް ތައްޔާރުވަމުން ދިޔަ ހިނދު ކީރިތި ރަސޫލާ ދެ އަތްޕުޅު އުފުއްލަވައި މާތްﷲ ގެ ހަޟްރަތުގައި ނަސްރަށް އެދިވަޑައިގެން އާދޭސް ދަންނަވައި ދުޢާ ކުރައްވަމުން ގެންދެވި

ބަދުރު ހަނގުރާމައިގެ މަތިވެރި ނަސްރުން ލިއްބައިދޭ ފިލާވަޅަކީ މުއުމިނުންގެ އެންމެ ބާރުގަދަ ހަތިޔާރަކީ ދުޢާ ދެންނެވުންކަން ކަމަށް ހުކުރު ޚުތުބާގައި ބުނެފިއެވެ.

"ބަދުރު ހަނގުރާމައިގެ ފިލާވަޅުތައް" މި މައުޟޫގެ އިއްވި ޚުތުބާގައި ބުނީ ބަދުރު ހަނގުރާމައަށް ތައްޔާރުވަމުން ދިޔަ ހިނދު ކީރިތި ރަސޫލާ ދެ އަތްޕުޅު އުފުއްލަވައި މާތްﷲ ގެ ހަޟްރަތުގައި ނަސްރަށް އެދިވަޑައިގެން އާދޭސް ދަންނަވައި ދުޢާ ކުރައްވަމުން ގެންދެވި ކަމަށެވެ.

ހައްދަވައި ބޮޑު ކުރެއްވި ރަސްކަލާކޯއެވެ! ޤުރުއިޝުންގެ ބޮޑުން، ކިބުރުވެރިކަމާއެކު، އެމީހުންގެ އަސްވާރުންނާއިގެން އައިސް އެ ތިބީ އިބަ ﷲއަށް އަދާވާތްތެރިވެ، އިބަ ރަސްކަލާނގެ ރާސޫލާ ދޮގުކޮށްފައެވެ. ހައްދަވައި ބޮޑުކުރެއްވި ރަސްކަލާކޯއެވެ! އިބަ ރަސްކަލާނގެ އެއުރެންގެ މައްޗަށް ދެއްވާނެކަމަށް ވައުދުވެ ވޮޑިގެންފައިވާ ނަސްރު މިއަޅާއަށް ދެއްވާނދޭވެ! އަދި މިއަޅާއަށް އިބަރަސްކަލާނގެ ދެއްވަން އިރާދަކުރެއްވި ކަންތައްތައް ފުއްދަވައި ދެއްވާނދޭވެ! ހައްދަވައދި ބޮޑު ކުރެއްވި ރަސްކަލާކޯއެވެ! މުސްލިމުންގެ ތެރެއިން މިތިބަ މީސްކޮޅު ޤަތުލުވެ ހިނގައްޖެނަމަ، އިބަ ރަސްކަލާނގެއަށް ދެން ބިމުގައި އަޅުކަން ނުކުރެވޭނެތެވެ.

މި މޭރުމުން އާދޭސް ދެންނެވުމުގައި އެކަލޭގެފާނުގެ ކޮނޑުފުޅުގައި އޮތް ރިދާކޮޅު ވެއްޓުނުއިރު ވެސް ދެއަތްޕުޅު އުފުއްލަވައިގެން އެގޮތުގައި ދެމިހުންނެވިއެވެ. އެހިނދު މާތްﷲ ރުއްސުންލެއްވި އަބޫބަކުރު ސިއްދީޤް އެ ރިދާކޮޅު ނަންގަވައި، ރަސޫލާގެ ކޮނޑުފުޅުގައި އަޅުއްވައިދެއްވިއެވެ. އަދި ދެންނެވިއެވެ. ނަބިއްޔާއެވެ! ހަމަކަށަވަރުން މާތްﷲ ކަލޭގެފާނަށް ވައުދު ފުއްދަވައި ދެއްވާނެތެވެ.

ޚުތުބާގައި އިތުރަށް ބުނީ ބަދުރު ހަނގުރާމައިން ދަސްކޮށްދޭ އަނެއް ފިލާވަޅަކީ ނަސްރު ލިބޭނީ އެންމެން އެކަތިގަނޑަކަށްވެ، މާތްﷲ ގެ ދީނުގައި ހިފަހައްޓައިގެން ކަމަށެވެ. ހަމައެފަދައިން ބައިބައިވުމާއި ވަކިވުމުގެ ނުރައްކާތެރިކަން ބަދުރު ހަނގުރާމައިން ދަސްކޮށްދޭ ކަމަށެވެ. ނަސްރަކީ މާތްﷲ ދެއްވާ އެއްޗެއްކަން ބަދުރު ހަނގުރާމައިން ދަސްކޮށްދޭ ކަމަށާއި އެއީ ފަހަރެއްގައި ވެސް ލަޝްކަރުގެ ބައިބޯކަމާއި ހަތިޔާރުގެ މޮޅުކަމަށް ބިނާވެފައި އޮންނަ ކަމެއް ނޫންކަމަށް ޚުތުބާގައި ބުންޏެވެ.

ރަމަޟާން މަހުގެ ފަހުދިހައިގެ ބަރަކާތްތެރި ރޭތަކާއި ދުވަސްތައް އަހަރުމެންނާއި ބައްދަލުކުރާނެ ކަމަށާއި އެރޭތަކާއި ދުވަސްތަކުގައި ހަވާނަފްސުގެ މައްޗަށް ޖިހާދުކޮށް ނަސްރު ހޯދުމަށް ޚުތުބާގައި ވަނީ ނަސޭހަތްތެރިވެފައެވެ. މި ރަމަޟާން މަހުގައި ހިނގާފައިވާ ތާރީޚީ ހާދިސާތަކުން އެނގި ކަށަވަރުވަނީ ރަމަޟާން މަހަކީ މުރާލިކަމާއި ހީވާގިކަން އިސްކޮށް ގަދައަޅައި މަސައްކަތް ކުރުމުގެ މައްސަރު ކަމެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ރަމަޟާން މަހު ހަޔާތަށް ބޮޑުބަދަލެއް ގެނައުމަށް މަސައްކަތް ކުރަންޖެހޭ، ދެވަނަ ފަހަރަށް މިފަދަ ފުރުސަތެއް ނުލިބިދާނެ: ޚުތުބާ
"ރޯދައިގެ އެންމެ މުހިންމު ހިކުމަތަކީ ސިއްރާއި ފާޅުގައި ތިމާކުރާ އަމަލުތައް ﷲ ބައްލަވާވޮޑިގެންވާކަން ދެނެގަނެ، ނަފްސު ތަހުޛީބުކުރުން"
ރަމަޟާން މަހަށް މަރުޙަބާ ކިޔަންވީ ތަފާތު ބާވަތްތަކުގެ ކާބޯތަކެއްޗަށް އިސްކަންދީގެނެއް ނޫން: ޚުތުބާ
ގައުމު ބިނާކުރުމަށް ކުރެވެން އޮތް ކޮންމެ ކަމެއް ކުރުމަކީ ވާޖިބެއް: ޚުތުބާ
ތައުހީދުން އަމަން އަމާންކަމާއި ހިދާޔަތު ލިބި ދެ ދުނިޔޭގެ ބާއްޖަވެރިކަން ލިބިދޭ: ޚުތުބާ
ޝައުބާން މަސް ވަރަށް ޚާއްސަ، ނޭނގެއޭ ބުނެ ބަރަކާތާއި ރަޙްމަތުގެ ދުވަސްތައް ނަގާނުލާ: ޚުތުބާ
ނަމާދަށް ރައްކާތެރިވެ، ނެތިމޮށުމާއި މީހުންގެ އަބުރާ ބެހުމުގެ އަމަލުތަކުން ދުރުހެލިވުމަށް ޚުތުބާގައި ގޮވާލައިފި