މުޅި މަސައްކަތަށް ޑިޒައިން ކުރުމަށް ދޭންޖެހޭ ވަގުތު ދެވޭލެއް ކުޑަ
ޕްލޭނިންގ މިނިސްޓަރ އަސްލަމް ބުރާސްފަތި ދުވަހުގެ ޖަލްސާގައި މަޖިލީހުގައި
މަގުތައް ހަދާ ނިންމާފަހުން ކޮނެ ނަގާ އަލުން ހަދަން ޖެހެނީ، އަޅުގަނޑުމެންގެ އާދަތައް ހުންނަ ގޮތުން ކޮންމެ ކަމެއްވެސް ރާސްޓަސްލާފައި ކުރަންޖެހުމުން ކަމަށް ހައުސިން މިނިސްޓަރ މުހައްމަދު އަސްލަމް ވިދާޅުވެއްޖެއެވެ.
ހައުސިން މިނިސްޓަރ މުހައްމަދު އަސްލަމް މިހެން ވިދާޅުވީ ރައްޔިތުންގެ މަޖިލީހުގެ ވަޒީރުންނާއި ސުވާލުކުރުމުގެ ބައިގައި ކުޑަހުވަދޫ ދާއިރާގެ މެންބަރު ކުރެއްވި ސުވާލަށް ޖަވާބުދެއްވަމުންނެވެ.
މެންބަރުގެ ސުވާލުގެ ޖަވާބުގައި މިނިސްޓަރ އަސްލަމް ވިދާޅުވީ މެންބަރު އެކުރެއްވީ ވަރަށް ރަނގަޅު ސުވާލެއް ކަމަށެވެ. މަސައްކަތް ކޮށްފައި ވަރަށް ގިނަ ފަހަރު އިތުރު އެހެން ކަމެއް ކޮށްލަން ޖެހޭ ކަމަށާއި، ހޮޅި ވަޅުލާންވެސް އެބަޖެހޭ ކަމަށާއި، ކުރީގައި ނުވެފައި އޮންނަކަމެއްވެސް ކުރަންޖެހޭ ކަމަށެވެ.
މިނިސްޓަރ ވިދާޅުވީ އެހެން ދިމާވަނީ މުޅި މަސައްކަތަށް ޑިޒައިން ކުރުމަށް ދޭންޖެހޭ ވަގުތު ދެވޭލެއް ކުޑަކަމުން ކަމަށެވެ.
މިނިސްޓަރ ވިދާޅުވީ މިއީ އަޑުއަހާލަށް އުނދަގޫ ވާހަކައަކަށް ވެދާނެ ކަމަށާއި، އެހެންނަމަވެސް މިއީ ހަގީގަތް ކަމަށެވެ. އަދި އާންމުކޮށް ޔޫރަޕްގެ ގައުމުތަކުގައި ގާއަޅާފައި ހުންނަ މަގުތައް ހުންނަތަން ފެނިވަޑައިގަންނަވާ ކަމަށާއި، އެއީ ސިޓީ ސެންޓަރުގައި ނުވަތަ ލޯ ޓްރެފިކް ހިސާބުތަކުގައި ކަމަށެވެ. ނަމަވެސް މާލެ އަކީ ލޯ ޓްރެފިކް ރޯޑްސް ހުންނަ ތަނެއްނޫން ކަމަށާއި، އެންމެ ފުރަތަމަ މިކަންކުރި އިރު، މިހާ ޓްރެފިކަށް ވިސްނިފައި އޮންނާނެހެން ހިޔެއް ނުވާ ކަމަށެވެ.
