އަމިއްލަ ދަނޑުގައި ބަޔާން ބަލިކޮށް އާސެނަލް ސެމީ ފައިނަލަށް

ޔުއެފާ އަންހެނުންގެ ޗެމްޕިއަންސް ލީގުގެ ކުއާޓާ ފައިނަލްގެ ދެ ވަނަ މެޗުގައި ބަޔާން މިއުނިކް ބަލިކޮށް، އާސެނަލް އިން މުބާރާތުގެ ސެމީ ފައިނަލުން ޖާގަ ހޯދައިފި އެވެ.

ބުދަ ދުވަހުގެ ރޭ އާސެނަލްގެ މޭޑޯ ޕާކުގައި ކުޅުނު މެޗު އެ ޓީމުން ކާމިޔާބު ކުރީ 0-2 އިންނެވެ. މީގެ ކުރިން ފުރަތަމަ ލެގުގައި ބަޔާންގެ އަމިއްލަ ދަނޑުގައި ކުޅުނު މެޗު 1-0 އިން ކާމިޔާބު ކުރީ ބަޔާން އެވެ. އެހެންކަމުން އާސެނަލް އަށް ސެމީން ޖާގަ ލިބެން އޮތީ ދެ ލަނޑުގެ ތަފާތަކުން ބަޔާން ބަލިކޮށްގެންނެވެ. ޕްރެޝަރު މެޗުގައި އާސެނަލް އިން ވަނީ ބަޔާންގެ މައްޗަށް ކުރި ހޯދައިފަ އެވެ. ސެމީން އާސެނަލަށް ޖާގަ ލިބުނީ އެގްރިގޭޓް 1-2 ގެ ނަތީޖާއަކުންނެވެ.

މެޗުގެ ފުރަތަމަ ހާފުގައި އާސެނަލުން ވެސް ވަނީ މޮޅަށް ކުޅެ ދެ ލަނޑުގެ ލީޑެއް ނަގައިފަ އެވެ. އާސެނަލަށް މެޗުގައި ލީޑު ނަގައިދިނީ 20 ވަނަ މިނެޓުގައި ފްރީޑާ މާނަމް އެވެ. އޭނާ އެ ލަނޑު ޖަހާފައި ވަނީ އާސެނަލްގެ ލީއާ ވިލިއަމްސަން ތަނަވަސްކޮށްދިން ފުރުސަތެއްގަ އެވެ. އޭގެ ހަ މިނެޓު ފަހުން އާސެނަލަށް ނަތީޖާ އަނބުރާލަ ދިނީ ސްޓިނާ ބްލެކްސްޓެނިއަސް އެވެ. އެއީ ކޭޓީ މެކްކޭބް ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ.

މޮޅާއެކު އާސެނަލް މުބާރާތުގެ ސެމީ ފައިނަލަށް ދަތުރުކޮށްފައިވާއިރު، ސެމީ ފައިނަލްގެ މެޗުތައް ކުޅުމަށް ހަމަޖެހިފައި ވަނީ އަންނަ މަހުގެ 22 އަދި 29 ގައެވެ.